Malaysia, Penang ah Operasi tamveipi kibawl in gamdangmi 78 kimansuak

Malaysia, Penang ah Operasi tamveipi kibawl in gamdangmi 78 kimansuak

Malaysia, Penang State sung aom muntuamtuam ah zanni in Operasi lutkawikawi a, gamdangmi illegal immigrant akigawm in mi 78 kimansuak cih Bernama pan kiza hi. Hih Operasi pen “code-named Ops Ikrar” kici a, Seberang Jaya leh Butterworth sungteng ah alut uh ahihi.

Penang Immigration Department panin thunei Spokesman khatin agenna ah Operasi pen zingsang 1am panin akipan hi a, nitaklam 2pm dong sawt ciliang hi. Tua Operasi alutna muntepen ansai Food Stalls, Factories, Housing Area cihbang Premises tuamtuam ah alutkawikawi uh ahihi.

Taman Desa Sembilang, Seberang Jaya sungteng ah Operasi alut laitak in gamdangmi akigawm in 140 Foreigners te thusitna kinei hi. Tualak panin mi 15 kimansuak hi. Aki mansuak tepen Bangladesh gammi 10, Indoensia gammi 3, Myanmar 1, Nepal 1 cihbangteng hi a, Immigration Act thukhun palsat cihtawh akimansuak uh ahihi.

Jalan Bagan Lalang, Butterworth sung aom Plastic Factory paninzong gamdangmi phalna kician neilo in nasem illegal immigrants 16 kimansuak hi. Tua aki mansuak te lakah Vietnam gammi 10, Nepal 3, Bangladesh 3 cihbangteng kihel uhhi.

Ansai ahi Food Stalls leh Eateries taumtuam paninzong illegal immigrants mi 21 kimansuak uhhi. Tua aki mansuakte lakah Bangladesh gammi 8, Myanmar gammi 6, Indoensia gammi 5, Nepal gammi 1 cihbang kihel uhhi. Malaysian Local gammi zong mi 5 kiman uh a, phalna neilo gamdangmi te nasemding in azatkhak manin akiman uh ahihi.

Tuateng bekthamlo, George Town khuasung aom Entertainment Outlets tuamtuam paninzong illegal immigrant gamdangmi akigawm in 26 kimankhia hi.

Tuate lakah Indonesia gammi 2 kiman a, tuate lakah naupangno kum 3 aphapan numeino khatzong kihel hi. Tuaban ah Myanmar gammi 5, Nepal gammi 5, Bangladesh gammi 5 leh Vietnam gammi 4 cihbang kihel uhhi.

More: Malaysia, Johor ah Operasi lutin gamdangmi 514 kiman, Myanmar pawlkhat kihel

Nasep aguan Boss (Employer) pawlkhatzong kiman uh a, akiman khempeuh pen Juru Detention Center ah kipuak in, thusitna kineiding cih kiza hi. Tunipen December 17 bang hita hi. Malaysia gamsung aom phalna neilo gamdangmi nasem “illegal immigrant workers” te anunungpen December 31 ni in ciahkhia mengmeng uhhen ci’n Malaysia kumpi in tangko khia cihpeuhzong tulaitak kilimgen mahmah hi. Athu leh Source akicianzaw in aki theihbeh ciangin ki zasak kikni. Sawltak #zomidaily