Malaysia, Mydin panin lothangsan RM11.26 man aguk manin RM2000 ki liausak

Malaysia, Mydin panin lothangsan RM11.26 man aguk manin RM2000 ki liausak

India gammi pasal khatin Malaysia, Melaka Sentral sung aom Mydin Store ah akizuak lothangsan (Onion) gukha hi. Tua a lothangsan guksawm pen RM11.26 bek aman ahihi.

Ahi zongin aguksawm, guta himawk ahih manin, tuabangin lothangsan aguksawmna vaitawh kisai in Rm2000 liausum kipiasak a, tuaban ah thongzong ni 3 sung ki khumcip cih NST pan kiza hi.

Tuapamin pen Rahaman Sukuler kici a, kum 28 aphakhin khat ahihi. Amahpen India gampanin Malaysia gamsungah nasemding in apai Indian National khat ahihi.

Tuni Friday ni in Magistrate’s Court ah thusitna kinei a, tuapa in kamawh, kagukha mahhi ci’n genkhia ahih manin, thukhenmang Magistrate Mohd Firdaus Saleh in thu khentat in dann apia ahihi.

Liausum RM2000 pen apiakkei zenzenleh thongsung ah kha 2 sung ki khumcipding cihzong genkhia hi.

Case sungah akigenna ah tuapa pen Mydin Store sungah nasem, Customer Service Department ah asemkhat kici hi. Abeisa March 6 zankim in lothangsan RM11.26 manneiding agukkhiat laitak in kiman hi.

More: Guta khatin mawtaw agukleh asungah naupang kum 4 khattawh gukhawmkha

Tuaciangin “Section 381 of the Penal Code” thukhun tawh kizui in thu akibawl ahihi. Deputy public prosecutor N Sivashangari inzong tuapa adingin thuumna neihsak a, khasum kicinglo ahih manin hehpih takin dann hongpiaksak in ci’n thuumsak hi. Tuapa ngiatinzong thukhen te tungah dann akhauhlo in akipiak nadingin thuumna nei kici hi.

RM11.26 mannei vanthemkhat gukkhakna hangin, RM2000 aliaulawh bekthamlo, thongzong akiatlawh ahihi. Aneucik ah acitak amigi tepen vaithupi khatpeuh ahzong muanhuai zawthampah uhhi. Sawltak #zomidaily