Singapore Peanut Butter sungah sikzum kimu ahih manin Recall kibawl
Singapore gamsung ah akizuak Peanut Butter bungsung ah sikzum (metal screw) khat kimu ahih manin, tua Peanut Butter te ahawmkhia Company te’n kaikhawmkik, Recall bawl uh cih CNA pan kiza hi.
Singapore gamsung ah nekledawn a encik ahi Agri-Food & Veterinary Authority (AVA) te’n tuni Monday ni in agenkhiatna ah tua Peanut Butter pen Singlong Peanut Butter (Crunchy) kici Company te’n Singapore gamsung ah alutpih, Import abawl uh cihi. Metal Screw khat Peanut Butter bungsung ah kimukhia ahih manin, tua Product Batch khempeuh Recall kibawlkhin cihi.
Agri-Food & Veterinary Authority te’n agenbehna ah hih Peanut Butter honglutpih ahi Importer tetawh ki semkhawm in, abungsung ah aomding ahilo sikzum aomna vaipen hoihtak ki kancianding cihi.
Tua Metal Screw pen Peanut Butter akibawl laitak in asungah aki helkha hidingin ki ummawh hi. Adangdang Peanut Butter te ahzong tuabangin Metal Screw akihel aomkhakding kipatau ahih manin, tua Product Batch khempeuh aki kaikhawmkik, Recall akibawl ahihi.
Tua Peanut Butter akibawlkhiatna “country of origin” pen China gampan ahihi. AVA te genna ah tua Peanut Butter pen 25 January 2019 ciang Expiry Date hipan a, 340g agik bungte cihi.
Hih Peanut Butter aleikha, inn ah akemkha aom zenzenleh kuaman nane khakei un. Sing Long Foodstuff Trading Company tetawh naki thuza unla, naleina sumpen hong khiatkikding, ahih keileh adang vankhatpeuh tawh hong kheksak kikding uhhi ci’n AVA te’n genkhia uhhi.
More: SoyNut Butter te E.coli natna tawh kizopna om ahih manin nekding lauhuai
Gamkhangno, gamthupi, gamkician te ah hibangdan hipah setset uhhi. Zogam khawng hileh ki maisakziau in, sikzum te ki hemkhia in, acianlai te kine vevethei khamaiding hi. Ahi zongin eizong akhangtosa gamtetawh kizui in gamtat sawmleng bang acidiam….. Sawltak #zomidaily
Comment piaknop aomleh...