Lingpaak ciinna (Rose)

Lingpaak ciinna (Rose)

Lingpaak ciindan namnih om hi. A masa pen leitungah ciinna leh a dangkhat pen belsia sung, cihbangin bungsungpeuhah kiciingthei hi. Leitungmah ah ciingpah ding ahihleh a lei puahsak ding kisam hi.

Leitangpuahdan: a zaina pi 2, a thukna pi 2 to ding hi. A sauna deih tantan hiding hi. Tua leidum sungah leitungtham leihoih, bawng ek, lopa muat, behawng cihte koihsak sitset ding hi.

Tua ciangin leitawm vuk kik dingaa lei maitang tungah letmat 4-6 bang bawktosak ding hi. Lingpaak ciin nading leipen leinel leh tuidat sawtpi a kemcingzo leitang hileh hoih penpen hi.

Bung sungah ciing ding hileh leitungtham leihoih leh bawng ek te hel ding hi. Bawng ek, leitungtham hoih, leh sehnel te kikimtak in hel in bungsungah koih ding hi.

Bungsungah lingpaak a kiciin ciangin tuipiakna leh puahna ol hi. Ahizongin lingpaak a khan nading haksa hi. Kum khat khit kum khat hoihlo semsem thei hi. A sawt ciangin leisungmah ah a kituah kik tamzaw hi.

Lingpaak kungte kungkhat le kungkhat pi 2-3 kihal sak ding hi. Tuitam piak luat kul lo hi. Ahizongin a neldat deihden a hihmanin a bultengah hamkhuhsak ding deih hi. Kum khat in 2 vei bang eklei kipia zoleh hoih mahmah hi. A kungtungpan a vompian a teh te leh a keunuam a tehte hepkhiatsak pahpah ding hi.

Lingpaak tungah natna om thei hi. A paak tungah pual leplap in a meltuamdang hong om hi. Tuahangin a hoihna beilawh hi. Natna hong khang semsem leh a tehte pulh in a kung in zong thuaklawh hi.

Tuabang natna hong pianleh natna a ngah a paak, a teh, a hiangte heuhkhia in mei tawh haltum ding hi. Paakkung bul ah eklei za a kangte tawmbang koihsak dingaa zingsanglam bek in tuipia ding hi. ကုိဆိုက္ zatui zong kikap thei hi.

Na lawm it nu/pa na piak ding tun lingpaak na suan in. A palh hun lianciangin na senpi ding uh hi. Siamsin Library