Tedim Khua Zuun Kik Dihni (1) ~ Khup Khan Thang

Tedim Khua Zuun Kik Dihni (1) ~ Khup Khan Thang

1. Zolengthe Naitau
Hih Zolengthe nai tau in ih Tedim khua alawm mahmah, munciaptehna (Landmark) pi khat hong suak hi. A kilam zawh zong hong sawt simpianta aa, puahpuah zuunzuun zong hong ngai ding hi. A kilam cil lai in ngaihsun kha hileng, ih Zongeina ahi ih Inntualsongh bang in lam hileng ahoih ding himah ven, tu’nlah athak lam ding ki hanciam zo nawnlo ding hi. Naipitau a bawl nailo khuate in hih idea na mangngilh kei un.

Gamlak ah Mawsi’ sumngo gul khai’ a ente in, gul in atuk hangin asih loh mah bang in, hih Zolengthe Naitau a ente in, amau leh amau limlangh aa et bangin, a hoihna hoihlohna, a kimuh thei nading un: 1. Naitau ii Leitawlam maitang (Facing South) ah, Zolai in THUKHAM 10 kigelh ding hi. 2. Nitumnalam maitang (Facing West) ah Kawlte Kyintwot 10 paa “Panna htit pat, matat tuhtet, khuwat mamu, ma uti sa, Ing ya ma ma’, mhuhta masuu, koko hneng chaih……” Kawllai tawh at ding. Phonggyi te dong ding. 3. Leilulam Maitang (Facing North) ah Liapian Tual Thukham 8 teng at ding. Nisuahnalam Maitang ah: Number 6: 24-25 The LORD bless you and keep you; the LORD make His face shine upon you, And be gracious to you; the LORD lift up His countenance upon you, And give you peace.

Tua nuai ah, Deuteronomy 6: 5 You shall love the LORD your God with all your heart, with all your soul, and with all your strength. Tua nuai ah Proverb 6:16-19 These six things the LORD hates, yes, seven are an abomination to Him; i. A proud look. ii. A lying tongue. iii. Hands that shed innocent blood. iv. A heart that devises wicked plans. v. Feet that are swift in running to evil. vi. A false witness who speaks lies. vii. And one who sows discord among brethren. Tua nuai ah 1 Samuel 16: 7 For the LORD does not see as man sees; for man looks at the outward appearance, but the LORD looks at the heart” cih teng English mahtawh at sitset ding.

2. Inn tung khuhna siikangte
Tu hun ciangin Tedim khua vantungpan et (Bird eye view) manzaihna kithuah drone tawh kizaih aa, lampi teng tawh kimukhawm pah in etlawm mahmah hi. A hizongin ih inn khuhna sikkang keuseu lui gemgam te ih mu ciangin ih lungbang leeng zawzen hi. Tua ahih ciang in, inn neiteng in, ih inn tung khuhna sikkang te athak laih sawn ni, hanciam ni. Kumpi lampa in zong huhna ngah theih nang lampi a om diam? Kei hong advise nop ah:- Kumpi zum leh Kumpi inn khempeuh Blue color (Kangmei phelh Zum bang) zangh ding. Biakinn leh Biakna tawh kisai inn khempeuh in, CMBC, RC te Biak inn color zangh ding. Teenna inn (Residence) khempeuh in, Green color zangh ding. Zintun inn (Hotel) te in, Mualsang khatna nuai aa inn kilam thak a bright mahmah color zangh ding. Inn kiim in zong pakkung hoih nono ih suan kim ciat ding hi. Pakkung neilo nungak te inn ah tangval lengla nahawh kei un. Ei innkim ciat hahsiang ni. Nin thaang’ paih kei ni.

3. Phung teng ah
Khuasung lampi dung aa kumpi te hong ciansak phung hoih mahmah tungtengah, pakkung hoih nono suan ding. A phungmaitang tengah lopa creeper te suan ding. Tua hileh etlawm bek thamlo a phungcim ding zong dal/khaam tuam ding hi. Pak kung hoih ka muh khat, 2015 kum Kawlgam ka ciah pak in, Tonzang RC Biakinn kiang lam tungah ka muh pakkung hoih ka sa mahmah hi. Hi lam aa Magnolia te tawh kibang pian hi.

4. Tedim Town Municipal Area boundary
Tedim khau pen agol theithei, inn tamm theithei, mitam theithei ding ih hanciam sang’ in, Tedimkhua Municipal in hoih tak a zuun zawh akep zawh ding ciang Town Municipal Area Boundary hoihtak a bawl ding thupi zaw ka sa hi. Tu hun policy pawlkhat in Khuapi suahsak na (Urbanization) ci in hanciam uh hi. A hoihna om, a hoihloh na zong om. Hoihtak aa ih uk zawh ngaplo ding khua ih keek keek ciang in, mizawng veeng (slum neighborhood) hong piang ding aa, hoihlona namkim, Khamthei guihthei zuu leh zatui zahaa zatna, nunei kizuak omna, kitot kiselna tamna cih bang pit-hmuh (Crime) hong khaang semsem ding hi.

Town pen Myo Ing-ga-yat tawh kituak aa ih bawl kul hi. Khua kiim khua te ahi, Sezang, Phaileng, Lamzang, Gawngmual, Lailo, Tuilang, Tualzang, Lailui, Teeklui, Ngennung, Vaalvum khua te tawh ih zop detdat lo ding thupi mahmah ding hi. Tua khua neu teng zong Tedim khua, a eng lo dingin, mei, tui, lampi, sang (Primary School) Zato (Dispensary) Tedim Municipal leh Rural Municipal te in hoihtak ih vansak kul ding hi. Hih khua kiim khua te in, Tedim khua mehgah mehteh, anteh theipuam tawh a supply ding te ahi uhhi. Khupkhan Thang Taithul, Norman, Oklahoma, USA March 16, 2019.