Malaysia, Puchong vengsung aom Entertainment Outlet khatah Operasi lutin mi 50 val kiman

Malaysia, Puchong vengsung aom Entertainment Outlet khatah Operasi lutin mi 50 val kiman

Malaysia, Puchong vengsung aom guannop lenkhopna Entertainment Outlet khatah Operasi lutin akigawm in mi 50 val kimankhia cih theStar pan kiza hi. Bandar Puchong sungaom Entertainment Outlet khat hi a, hih Entertainment Outlet sungah Game kimawlna tuamtuam leh numei pasal thaangtatna Vice Activities tuamtuamzong aom cihi.

Tua Entertainment Outlet ah Sunday zingsanglam 4am hunpawl in kumpi thunei te’n Operasi alut ahihi. Outlet Manager leh Captain cihte akipan nasem in aombekbek akigawm in mi 18 kimankhia hi.

Tuaban ah zindo in aom gamdangmi numei 31 zong kimankhia uhhi. Tua numeite pen GRO (Guest Relations Officers) kici a, tua Entertainment Outlet sungah gualnuam dingin apai te azindopi uh hihtuak hi.

Tuaban ah tua Entertainment Outlet ah gualnopna azangding in apai Customer mi 117 tezong guihtheih khamtheih zatneiding in ki ummawh ahih manin, Drug Test kibawlpah hi. Tualak ah mi 7 tepen Methamphetamines leh Ketamine akici vankham Drug azatlam kitheikhia uh a, kimansuakpah cih Serdang OCPD Asst Comm Megat Mohamad Aminuddin Megat Alias in genkhia hi.

Tuateng banah nasem in aom tezong Work Permit kiciantak aneimah uhhiam ci’n thunei te’n hoihtak sitcianna nei uhhi. Customers lakpan Drug Test a onglo mi 7 tepen “Section 15(1)(a) of the Dangerous Drugs Act” thukhun tawh thukibawlding cih kiza hi.

More: Malaysia gamsung thukham palsat “Crime List” sungah suzuak mah tampen

Entertainment Outlet, Game kimawlna leh Night Club cihbangdan te ah naseppen mihoihlo, miginalo tamzaw ahih manin, ahihtheih liailiai nakleh sep huai masakhollo hi. Miginalo atam mahbangin Operasi leh kimat kihen cihtezong tamphadiak pahhi. Game sai ah nasem pawlkhat akimat uhciangin Case nawngkai mahmahthei hi. Sawltak #zomidaily