Malaysia ah pasalno kum 13 aphapan khatin asanggamnu gaisak in tanei

Malaysia ah pasalno kum 13 aphapan khatin asanggamnu gaisak in tanei

Malaysia, Perak State sungah numeino kum 15 aphapan khatin asanggampa tawh omkhawmkha in naunei cih theStar pan kiza hi. Tua asanggampa zong kum 13 bekbek aphapan khat cisawnsawn hi.

Hih thupiang pen Perak, Kampar District sungah thupiang hi a, zanni Sunday (Dec 16) ni in asanggampa zong kimankhinta cihi. Palik thunei ahi Kampar OCPD Supt Hasron Nazri Hashim in agenkhiatna ah Saturday nitaklam 3:30pm hunpawl in kum 15 aphapan numeino khatin dailenbuk “Toilet” sungah naunei cihi.

Tua numeino pen agilna salua mahmah ahih manin, amau innsung aom Toilet sungah dailengding in apai cihi. Ahi zongin agil nalua mahmah in, kapgawp a, anu samkawmkawm cihi.

Anu apai ciangin tua numeino pen gilna in akap nahilomawk a, nausuak nahizaw mawk hi. Toilet Bowl sungah naungek nakiasuk khinta in, si leh nai tawh akidim zihziahsa in aom anu in mukhia cihi.

Tuaciang in anu in tua numeino leh asanggampa anih un Hospital khatah amanlang in paipihpah hi.

Athu akigenna ah tua numeino pen kum 14 aphak ciangin sang kahzom nawnlo hi. Abeisa May kha akipan asanggampa tawh innnunglam aom inndei sungkhat ah tamveipi ka omkhawm zelzel uhhi ci’n tua numeino in pulakkhia hi.

Ahi zongin tuabangin agai ahihlam zong kitheilo a, amahleh amahzong naupaai ahihlam kitheilo cimawk hi.

Tua numeino pen anausuahna hangin si tamluangkhialua mahmah a, tulaitak Raja Permaisuri Bainun Hospital (HRPB) ah akikep laitak ahihi.

More: Numei kum 12 aphapan khatin ta nei ahih manin, agaisakpa kiman

A tano zong asuahkhiat ciangin Toilet Bowl sungah kiasuk in kitatkha in alu liamsakkha ahih manin, naupang siavuan Paediatric Specialists te’n zato ah limtak in akepsak laitak uh ahihi.

Asanggampa ahihleh “Section 376B of the Penal Code” thukhun tawh kizui in kumpi thunei te’n thu bawlding in akepsan laitak cih kiza hi. Sawltak #zomidaily