Numei kum 12 aphapan khatin ta nei ahih manin, agaisakpa kiman

Numei kum 12 aphapan khatin ta nei ahih manin, agaisakpa kiman

Malaysia, Sarawak State sung aom Sibu khuasung ah numeino kum 12 aphapan khatin December 03 (Sunday) ni in naunei ahih manin, agaisak alawmpa kiman cih theStar pan kiza hi. Agaisak alawmpa “Boyfriend” zongpen kum 15 bek aphapan khat kici a, alawmngaihnu “Girlfriend” in tangek khat asuahkhiat ciangin athu kithei in mat athuak ahihi.

Hihvai tawh kisai palik thunei ahi Sibu deputy OCPD Supt Martin Koo in agenna ah tua numeino in December 03 ni in amau innsung ah nitaklam 6pm hunpawl in nausuak cihi.

Tuaciang in apa kuahiam, agaisak kuahiam ci’n kidong a, agenkhiatna tungtawn in tua pasalno akiman ahihi ci’n palik thuneipa’n tuni Tuesday (Dec 5) ni in genkhia hi.

Hih naungek anei kum 12 aphapan numeino in amau innsung Groud Floor ah nau asuahkhit ciangin tua naungek pen Storeroom sung aom puankoihna Cabinet khat ii Drawer sungah koihziau in, nusiacip cihi.

Asanggam numei kum 16 aphakhin khatin naungek kapkap azak ciangin tua Storeroom sung aom Cabinet Drawer sungah naungek asuakcil khat akikoih mukhia a, lamdangsa in patau mahmah cihi. Tua naungek suakcil pen mainul Towel khattawh kitunziau in Drawer sungah aki hencip cihi.

Hihvai tawh kisai in thudotna, thusitna akineih ciangin tua numeino kum 12 aphapan penin agenna ah 2016 kumbeikuan Form 3 akahlaitak in alawmngaihpa tawh ka lumkhawm uh ci’n genkhia hi.

More: Kum 10 leh 11 aphapan pasalno nihin numeino kum 9 khat buan

Tuahangin alawmpa zong kiman khiapah a, “Section 376 of the Penal Code for statutory rape” tawh thu kibawl in thusitna akineihsan laitak cih kiza hi.

Kumcingnailo, naupang cikcik in naunei cih kinawhzak simsim tamawk hi. Tulai leitung paizia manlang luadeuhleh kilawm hi. Sawltak #zomidaily