Google Docs Viewer ah ZIP leh RAR ngahta

Google Docs Viewer ah ZIP leh RAR ngahta

Nidangin Gmail sungah ZIP File ahih keileh RAR File tawh Attachment ongkikhak te ih etnop ciangin Download masak kul a, Download khitciang inzong Unzip masak kulphotlai-in tuakhitteh ki enthei pan hi.

Tu’n Gmail sungah ZIP leh RAR tawh Attachment ongki khakciang Download photsese akulnawnlo, Gmail sungmah ah etpah theihdingin Google Docs Viewer te’n bawlkhiata uhhi. Na lawmte khatpeuhin na Gmail ah ZIP, RAR File tetawh ongkhak ciangin a File min nuai ah “View” cih omding a, tua namek ziauding ahihi.

Gmail sungah File tuamtuam Download kullo in etpah theihding in Google Docs Viewer te’n ongbawl toto uh hi a, tuniciangciang File Type 15 Gmail sungpan ki enthei ziauziau hi. Baihtak, olnotak in aki entheikhin File Type te hih anuai abang ahihi.

• Microsoft Word (.DOC and .DOCX)
• Microsoft Excel (.XLS and .XLSX)
• Microsoft PowerPoint (.PPT and .PPTX)
• Adobe Portable Document Format (.PDF)
• Apple Pages (.PAGES)
• Adobe Illustrator (.AI)
• Adobe Photoshop (.PSD)
• Tagged Image File Format (.TIFF)
• Autodesk AutoCad (.DXF)
• Scalable Vector Graphics (.SVG)
• PostScript (.EPS, .PS)
• TrueType (.TTF)
• XML Paper Specification (.XPS)
• Archive file types (.ZIP and .RAR)

Hih atung aa Feature tengpen Mobile nangawn ahzong kingahsak ahih manin zatol mahmah hi. Akisamlo pipi Download phot kulnawn sese lo in, Gmail sungpan Online in ki entheipah ziauziau ahih manin Attachment tawh File ongki khakte etnuam mahmahta hi. Hih atung a File Type tengzong zatcing mahmahkhin himah taleh Google Docs Viewer te’n adangzong akisapna zui-in behlap totolaiding ci uhhi. ZD Sawltak #zomidaily