Lift button teng zun apek sese naupangno khat Lift sungah awkcipsuak

Lift button teng zun apek sese naupangno khat Lift sungah awkcipsuak

China gamsung ah pasalno khatin inntung innnuai kikawmna in akizang Lift sungah aomlaitak, amekna Lift Buttons te zunpek citciat hi. Tuabang in Lift Buttons te zun apek ciangin asung aom Wire khaute zuntui lut ahih manin, kisiacip a, tua pasalno pen Lift sungah awkcip cih SCMP pan kiza hi.

Hih pasalno ii gamtatna khempeuh pen Lift sungah akithuah CCTV panin Video Record omsitset a, tua Video Clip pen Social Media ah Ministry of Public Security te’n khahkhia ahih manin, Social Media tungah ki thehzakpah hi.

Hih thupiangpen abeisa Friday (Feb 23) ni in China, Chongqing khuasung aom Flat khatah akithuah Lift sungah thupiang ahihi.

CCTV sungah pasalno khat Lift sungah alutkhit ciangin apainading inndawl Floor Number mekmasa hi. Tuakhit ciangin abombi Zip kaisuk in, Lift Button te zunpek vouvou sese hi.

Lungkimtak in zun apekkhit ciangin abombi Zip kaito a, apainopna inndawl zong atunlian tawh kituak hi. Ahi zongin akongkhak akihongding kimlai, tawmcik ki hongkhindeuh in ahi zongin ki hongsuak theilo a, Lift Button meitang tengzong phiazaizai in, tuakhit ciangin mei khempeuh avek in mitsuakmawk hi.

Anunung ah naupangno zong patau lauthawnggawp in dianglanglang kici hi.

Hih naupangno gamtatna pen China kumpi thunei te zat ahi Weibo Account tungah khahkhia uh a, “Stop being naughty” ci’n thulu guan uhhi. Hih Video amukha pawlkhatte’n Comment tawh dengsukpah ziahziah uh a, tualak ah khat ii Comment na ah Lift puahphatna sumbei khempeuh hih naupangno ii anu apa te piasak hamtang un ci’n aki Comment pen minthang phadiak hi. Naupangno pen thuneite’n manpah uh a, tawlkhat khitciangin khahkik uh kici hi.

More: Inndawl 25 Floor pan Lift kisia in aki hotkhiatsawm pasal khat kiasuk in si

Kuamah in hongmukei ci’n utbang in ihgamtat hangin, hongmu gigekhat na omden a, lametloh laitak in mawhnadan hongpia ziauziauthei khat omdenhi cih phawkdetding thupi hi. Tulaitak Zomi sungah ih lunghimawh, lungkhamna te ngaihsun kawmkawmin, ih gamtatna, ih thumanlohna khempeuh ii agu in ih nuntaksung ihpaipaina ah hong sulzuihden theihi. Sawltak #zomidaily