Pasal te’n hong genlo uhhang alunggulh mahmah uh nam 15

Pasal te’n hong genlo uhhang alunggulh mahmah uh nam 15

1. Tuni na sep na bawlna ah a lem hia cih dongin. Amah ading lungkimna lianpi khat hi. A diakdiak in sendpyi lona khat a neih ciang a lungnuamtuam mahmah ding hi.

2. Na itna na ngaihna tuangah a lungmuan zawhna dingin laksiam inla, nang pen amah ading ngiat hi cih theisak in. Aman leitungah pasal hoihpen ahihlo lam ki thei ahih manin midang tawh na khekziu ding lau den hi.

3. A tup a gelnate langpan kenla, panpih zaw in. A lungkiat hunah hanthawn in. Pasal i cih hang mihing mah ahih manin khasiat hun le thanem, lungkiat hun nei hi.

4. A lungnoplo na dingin phin tengtong sese kenla, ama utbang semsak lelin. Gawlmek ken, huih tampi diknuam hi.

5. Banghang ngai nahiam cihzong dongdong se ken. “Ahang” nei ahih manin nang hong teel (choose) lam thei in.

6. Muang ngiat in.

7. A duhdeuh an le mehte ahizong huansak, bawlsak, leisak zel inla, nekpih zelin.

8. Amah tungah na cihtak sawmin. Ki totsial kikhen ding cihsan pahpah ken. Lei le ha zong ki tawng, kisel thei cih phawk in.

9. Na kimuhkhawm uh ciang kawicip bikbek inla, amah patkullo in namzel lelin. Na lungkim lua hi.

10. Kiho ciang nuihciam lelpih in, deihdeuh hi. Ahizong thucitakna munah thucitak mah tawh dawngin, dongh in.

11. Na innkuanpihte mai le na lawm, na gual mai ah phatin la, ki pakpih theihna nei-in.

12. Ama khensatna le deihtelna zahtak bawlin.

13. A lawmte lakah simmawhna le zawhthawhna kampau kha kenla, na deihlona le na utna a om ciang ama tungah tuam ho khiankhian in. Hong ngaihna zong laksak se ken.

14. Asepna khat pepeuh ah upmawh hong batlo ciang thapia thei in, aman GIVE UP lo ding hi. Ahangin na thapiakna pen na khempeuh a sepzawh na’ng sikthagui hi a, ama adingin a bang kimna hi.

15. Na mailam kalsuanna ding uh bangzah ta-in haksa mahtale taisan loin na ngaih paisuakna pen pasal ten lunggulh penpen uh hi. Haksatna na tuak uh ciang taisanlo, pelhsawm loin, kantankhawm sawmzaw in. By: Joseph Kham