Tedim ah Bus Station kician neihhun mahmahta

Tedim ah Bus Station kician neihhun mahmahta

Tedim ah Bus Station kician khat neih hun mahmah hi. Zong kisam hi. Tu ciangciang car gate a kinei pen private inn kawm in lam gei ah mawtaw tunna leh dinkhiatna mun a kibawl hi lel hi.

Khua sung a gate neih pen mawtaw tam semsem leh lampi neu tawh lem lo tektek ding hi ta hi.

Tua hi a Tedim khua nawl gtn. in Sezang lapi sak lam/ Saimual thungetna mual mun zaina khat (a kek baih leh a kicing ding khat teelin) ah Bus Station pi khat bawlhuai ta hi.

Tua bangin kibawl zo leh a cilin khualzin mite pawlkhat a ding a lem lo tawh kibangin paina ciahna haksa tuam ding hi.

A hi zongin khua sung pan Bus Station paina/ ciahna ding mawtaw or cycle or line bus or taxi khat peuh hong kisam pah dinga, mitampi a ding a om ngei nai lo sumzon summuhna thak khat a hi mawtaw tawh / cycle carrier nasepna tawh nasepna in hong nungzuih ding hi pah hi.

Tua mi puak nasepna pen Bus Station paina or ciahna bek hi nawn lo in khua sung paina ciahna ah mawtaw nei lo te, cycle lem lo te leh gimpi tawlpi in khe tawh pai/ ciah kul nawn lo ding hi pah hi. Khuapi khantohna zong hi pah hi.

Khuami te nun zia zong hong sang zaw pah ding hi.

More: Tedim Khua Lampi te Part I ~ Khup Khan Thang

Tua bang Bus Station khua nawl ah nei zo hi leng khua zong a kekkek a gol a zai sak semsem ki suak lai ding hi. Na kician na thupi omna kizuan kibel nuam hi.

Bawl zawhna dingin kumpi tungah ngetna bawl huai hi. (Tu hun pen company nasep lawhcing hun hi a sum nei khat peuh in zong company nasep in sem in inn sap leh lut man cihte Kumpi lak bangin la thei ding hi). Zam Lian Mung