Smartphone leh Tablets te Naupang adingin lauhuai ~ Pau Do Lian

Smartphone leh Tablets te Naupang adingin lauhuai ~ Pau Do Lian

Leitung khantoh tawhkizui in smartphone, tablets, computer leh TV te khua neute ahzong kizang zota ahih manin Leitung nisuahna kitumna leh sakleh khangaa om tanau tetawh kiho na nuamtuam mahmah hi. Bektham lo in azang siam hileng eimau laptop panin Leitung University website tepanin zong pilna tampi tak kisinthei hi. Leitung thupiang ahoih leh ahoihlo zong deihdan in ih lupna khansungpan in ki-en thei hi.

Ahizongin nzherald.co.nz news in Nov 13, 2018 ni in athusuah navuah hih bangin ci hi. San Diego State University leh University of Georgia research te muhkhiatna ah naupang kumnih gual akipan “Mental Health” akhantoh laitak hi a, smartphone leh tablets te hangin naupang te khuak ahoihding zahin hoihzo loleh’ lungsim damlohna/kicinglo (mental illness) nei hi ci in khuahtakin warning pia uh hi. Tua hi a, Professor Jean Twenge genna ah siate leh nuleh pate kipawlkhawm a naupang te online, TV et, smartphone leh tablets zat hun khiapkul ding hi ci hi.

Professor Jean Twenge genbeh na-ah kumnih pan kumnga ciang atampen nikhat nai khat ciang TV, computer, smartphone leh tablet te zangsak ding hoih ci hi. 2016 a US gamsung survey bawlna ah kum nihpan kum sawmleh sagih te ii cidam na’ ah hih kumsung tengpen (2-17) lungsim ngaihsutna akhantoh laitak, gamtat luheek akisin laitak ahih manin screen tam etluate agamtatzia uh screen envet lote tawh kibanglo in active lozaw cihi.

Kum nga pan sawm leh sagih kikal nikhatin screen mai ah nainga ciang azang den tepen nikhat a naikhat bek a ente sangin lunghihmawh natna (anxiety) leh lungkhamna (depression) natna azah nih innei hi ci hi.

Ei akhangto panpan mite inzong ih tate smartphone, tablet khawng naukep na in neiziau ihih man in naucinglo ahihphial lehzong smartphone khawng piakei zong in akahleh zongkapsak maileng acidam na adingin hoih zaw ding hi.

More: Mobile Phone limzatluat naupangno te paukhia hak

2017 December in Oxford University a research te muhna ah UK sunga om naupang te ataangpi (average) in zombie game nikhatin naithum pan nali minute 45 ciang kibawl uh hi. Hih “mental health” leh naupang tawh kisai pilna nei te in naupang te zanciangin ihmuhsuak saklo in zan ihmut akhamlo uhciang (social skills) milah ah maitang kituah a om nuamsa nawnlo hi ci hi. Pau D.Lian