Kum 52 aphakhin papikhat avengpa in ciangtawn tawh asatgawp laitak Video kikhahkhia
Malaysia, Klang vengsung ah pasal khatin avengpa Rotan ciangtawn tawh asatlaitak Video kizaih in, tua Video Clip pen Social Media tungah ki thehzak hi. Abeisa Wednesday ni in Bandar Baru Klang ah thupiang kici hi.
Tua Video akizaihhun pen Wednesday 3:30pm hun hi a, innkuansung kamkinialna “domestic squabble” panin hongki pankhia kici hi.
Athu akigenna ah tua kum 52 aphakhin papipa pen azi tawh amau innsungah kitawng, kam kinial in aomlaitak avengte’n bang acihiam ci’n vapai uhhi.
Nupa kam kiniallaitak avengte atun ciangin tua papip azong ahehsuak in, avengte kammal hoihlo tawh nakogawp cihi.
Police te genna ah tuabang in avengpa tawh akiphunsan laitak in pasal nih tuaphual ah tunbeh in, khatpa in Rotan ciangtawn khattawh zepgawp hi. Tualaitak in akhatpa in Video zaih cihi.
Video sungah papipa in hongsatkei tapeuh in ci’n khutdin in thuumbawl himahleh ciangtawn tawipa in Hokkien pautawh kogawp in, tamveipi satgawp, zepgawp cihi.
Video: Police looking for man who assaulted his 52-year-old neighbour
https://www.youtube.com/watch?v=rSEpxNl8YIQ
Papipa zong tuksuk in, hongsat nawnkei in ci’n tamveipi thuumphapah cihi. Agei ahzong atapa ahiding in aki ummawhkhat in mu a, apa akisat amuh ciangin khasialu in kapvava hi. Azi zong agei mahah om a, apasal akisatsak ciangin nakpi in kapkhia hi.
Tua papipa pen ataw, akhe leh anungzang teng liamgawp ahih manin Klang vengsung aom Tengku Ampuan Rahimah Hospital ah zatui kibawlding in kipuak hi.
Related: Numeino khat aki satgawp laitak Video kizaihkha in, asatpen kum 20 bang thong kiatheiding
Federal police corporate communications head SAC Datin Asmawati Ahmad in agenkhiatna ah tua asatgawp pen avengte hiding ci a, palik te’n matding in azonsan laitak uh cihi. Sawltak #zomidaily
Comment piaknop aomleh...