Avot (Soft Drink) dawn kidop huai ~ Daniel Mangpu

Avot (Soft Drink) dawn kidop huai ~ Daniel Mangpu

Nisat mahmah idang a tak mahmah ciang avot (soft drink) dawnleng I dang ah nuam mahmah a, I dang tak hong pha hi. Ahi zong tua avot Coke, Pepsi, Sprite, Fantasy, Lemon Soda cih te pen I dawn the I Ha in na thuak mahmah thei cih phawk kul zel hi. En leng avot te limtuak mahmah khum ngaungau, vot suk hithit ahih tei hang…a sung a kihel Acid te en suk ni…

• Tap water Ph= 60,
• Mug Root Beer 4.038,
• Diet 7 up 3.706,
• Sprite 3.059,
• Diet Coke 3.289
• 7 up 3.202,
• Slice Orange 3.059,
• Diet Pepsi 3.031
• Pepsi 2.530,
• Coke 2.525,
• Cherry Coke 2.522,
• Rc Cola 2.387

(Hih atung a nambat atawm te Acid dat tam a, tamdawn huailo)

Src-General Dentistry March-April 2007 Live Science Graphic.

Battery Acid leh Avot Acih Kikim Dekphial

Battery sung a kihel Acid thei tek ni. Tua Acid pen khauh mahmah 1 value aih ciang a I puan tawh bang sukha leng vang mang pahpah hi. Tua a tung a I gelh te enleng Battery Acid zah a a khauh dektak om phial hi. Inn lamah I neulai a Battery Acid I liak liak lim I sak mahmah hun phawk kik hang.

Ha Ading Lauhuai Avot

Ei a vot I dawn teh pipe tawh tam dawn lo, muam hithiat thei lai ihih manin I ha a ding lauhuai mahmah hi. I ha a tungpen a pen Enamel a cih in a tuam hi a, Calcium Prosphate tawh kigawm Hydroxyapatite a kici dat a hihi, Tua I Ha a tung tuam pen khauh mahmah napi’n Acid dat thuak zolo hi. Bateria(lungno) ten an thom neng ne in Acid dat hong pusuak ciang in ha lugin ne/vang icih te hong piang tahi.(Dental Caries).Ha tungnung a a tuam pen Scid khauh na Vritical Value 5.5 sang khauh/niam zae tawh ha kimu den leh I ha pen acid in puak a nek vang bang in hong bei ding hi.Lung neek ahilo Acid dat hang a a vang /a kine te(Erosion kici hi.

Tua dan a hana zato pai tawmlo hi. Pawlkhat in avot/asa,akhum/athuk the zokin theipan a ,limlang sung ah enleng lungnek bang hi lo-in kiam suk hi.A hoih nawnloh the Ha inawt zong I Ha zek ta hi. Avot I dawn teh hai/athawl a damtak a dawn sang pipe tawh nawh dawnsuk mengmeng na-in Ha a ding a hoih pen hi.

Avot bek hiloin Tampaza leh sapit bek zong Acid tawmtawm mah naki hel veve hi. Coke-Avot ahilo a khum tuamtuam te zong Phosphoric Acid le Carbon Dioxide kihel a hih manin hoih khin lo hi. Tua Acid dat te gilpi sung a tun the I gilpi an gawi tui Hydrochloric Acid na dal hi. An neekkhit ka gil nuam kei si huih tam si I cih te tua hang hi.

Phosphoric Acid in I guh a om calcium te zaukhia hi. Sawt leh I guh zaw in, a ki zaukhia Calcium te kal ah kikhol in Kal ah suang om I cih te hi thei hi. Tua a hih manin avot(soft drink)tam dawn huai lo hi. Juice I cih Apple tui, Lingmaw, Leng thei kigawi tawm tui te cidam na ding dawn huai hi. I dawn the nawh dawn or valh pah in, na khat peuhpeuh I dawn I neek the I kam tui kam nih bang tawh khuah den leng hoih hi. Ref: Net

Daniel Mangpu (Zogam Laaizom)
Nadeih lianpen uh ki-itna nahi sak un…. 1 Kor 14:1