USA, Indianapolis pan Nu Dim Khaw Hau (Tedim Lawibual, Suankhup) in hongnusia

USA, Indianapolis pan Nu Dim Khaw Hau (Tedim Lawibual, Suankhup) in hongnusia

Mangpha Nu Dim Khaw Hau (Kum 50) Suan Khup Beh – Tedim lawibual veng ah a khang khia USA gam Indianapolis, IN ateng Sia Neng Za Sawm leh Nu Man Ngai Zen te tanu Nu Dim Khaw Hau in June 17,2020 in Zunkhum Sikhum natna tawh hongnusia cih thu izak man in ZIUSA kipawlna mintawh dahpihna ipulak hi.

Nu Hau pen Zomite kipawl khopna Zomi Innkuan Indianapolis ah member khat leh ZIUSA Genvai member onglut thukhun pom ni 1/31/2015 akipan tunidong thukhun pom active member khat ahih manin bylaw thukhun zuiin (100%) Death Benefit $15,000 kipiakhia dinga paakkual $150 man khattawh zong mangpha khakna kinei ding hi.

Nu Hau luanghawm tawh anunungpen hunzatkhop ding hong tungding Monday June 22, 2020 12:00pm in 7602 Madison Ave,Indianapolis,IN 46227 ah Calvary Zomi Baptist Church (CZBC) pawlpi makaih na tawh hehnep hunbawlna neihkhit ciang, Rev.Thang Za Pau in hanah vuina nei ding hi.

More: Theihhuai leh Zuihhuai thu ~ Tedim Municipal

I Sanggamnu Nu Hau hong nusiatna hanga adahakap alungleng khuangai tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Genvai tanupi – Zomi Innkuan USA, Inc.)