Palai Sepna (Representative)

Palai Sepna (Representative)

Gamke Innpi (State Hluttaw) leh Gambup Innpi (Union) Hluttaw te ah minam vai-in hitaleh khua (Township) taang ding hi ta leh 2008 thukhun in hongpiak palai kinei ciat hi. Palai i cihpen democracy kiuk zia tawh hongpiang khawm athupi penpen democracy paizia khat zong ahihi.

I theihsa mah bangin Athens te in hih democracy hongpat khiat hunlai lai-in mitawm mahmah ahih man in thukhensat hun ciang, mipi kikai khawm in tualpi ah thuken sat khawm uhhi. (Direct Democracy kichi hi.)

Gamle minam te hong khan toh semsem ciangin mi zong kitam semsem ahih manin mipi kikaih khop ding baih nawn lo ahih manin milop khat ciang palai khatta tel in tua milom tampi taangding in Palai te in thukhensat na nei uhhi. (gtn. mipi sang 1 bang hong phak ciangin kikaih khop ding baih nawnlo ahih manin mi 1000 ciang palai khatta tel uh aa, mi Sang 1 ai tang ding Palai 100 in mipi Sang 1 tang ding thukikupna leh thukhen satna nei uhhi. Tua pen Representative Democracy kici in tulai tak leitung mun tuamtaum aa Democracy gam te ah kizangpen hih RD hi.

Leitung muntuamtuam ah hih RD siksan in kiteelna kinei hi aa Gamte in a mau gam tawh kituak dingin tawmkhat ta kipuah leh kibehlap tek hi. mi 1000 ciangin palai khat ta i cih pen tu hun ciangin Geographical based-leitang siksan in kikhen zong omin Khua (Township) in kikhen zong omhi. Munpawl khat te ah Mimal % ciang Palai khat cih bangin zong hih RD pen nam tuamtuam in kizang hi.

RD ah a thupi penpen pen hih Palai kici (Representative) te neih vaipuak pen tua mi 1000 te vaiteng hi aa amau (Palai te) vai hilo hi. Party Vai zong hilo hi.) Mi 1000 tengin amau vai a gen dingleh, amau taang aa thukhensat ding aa asawl uh ahih manin atawntungin hih Mipi 1000 ten bang deih uh hiam bang kisam uhhiam cih a theihdet loh uh phamawh hi. Amit suan deh loh uh phamawh hi.

HIh Representative tawh kisai-in leitungah mipil te in namtam pi takleh thu tampitak et kakin laibu tampitak leh thugen na tampitak na nei uhhi.

Palai te nasep ding leh Vaipuak ding pen theory tungtawn hita leh Constitution tungtawn, Legal tungtawn in kikhensat pawl khat om aa social Contract tungtawnin kikhen sat pawl khat zong om hi.

HIhmun ah alunglut huaipen Mipi te in Palai te koi cii bang ngiatsutna tawh teel uhhiam cih hi. Tuapen mipil pawl khat in Theory of Representation cih tawh lai a gelh pawl khat om hi. Atampi tak lak ah Nam (3) kikum khawm ni.

• (1) Trustee Representation
• (2) Sociological Representation
• (3) Agency Representation (instructed-delegate representation) hih namthum hi dinghi.

Palai dingte Mipi te in bangci ngiahsutna tawh tel uhhiam (election zia hilo) bang dan lungsim tawh tel uhhiam i cih ciangin

(1) Trustee Representation

– Asep abawl sa te kician sa, laitan sangnei, muan huai ngiat ci aa i ngaihsut te hi.

– A beh aphung, a minam, a suan akhak, akhua min te ki-en lo aa muanhuai ahih man cih tawh palai ding aa kiteel namte hi. (Quality-Capacity-Competency-Capbility Based)

(2) Sociological Representation

– Atung aa tawh kilam dang mahmah hi. Zomi ahih man, i ngeina akibat man, pau a kibat man, I minam min apuak man, i beh akibat man, veng khat i hih man cih dan in mimal kizopna cih tawh palai ding aa kitel namte hi. (Quality-Capacity-Competency-Capbility cihte siksan hilo)

(3) Agency Representation (instructed-delegate representation)

– HIh leuleu ciangin, Mipi te in Palai sem dingte sepzawhna (capacity), a quality cih te leh minam vai cih te siksan zong hi thei, hilo they aa, ahi zongin Mipi deihna a pulak ding, mipi diehna teng a sungkhia, a genkhia ding leh mipi deihna tengbek mah tawh abuai ding cih ngimna tawh a kiteel palai namte hi. Hih pen (instructed-delegate representation).

Nambat 3 na pen democracy hong kipat khiatna direct democracy leh Representative democracy tawh kinai pen zong hi ci-in pawl khat in gen hi.

A tung aa tengthum i gen napen Kiteelkhit nung Palai te Gambup Innpi leh Gamke Innpi sungah hong tut khit uh ciang Media tungtawn hita leh mimal sungpan hita leh, Forum or workshop sungpan hita leh thu i dot kik ciang “en i Palai te nambat bangzah tawh kituak in ngaih sun aa i teel hiam” cih tawh kituak in i thu dot zia zong kilam dang ding hi. A diakdiak in Media te in a dot uh ciang kilam dang zaw lai dinghi.

Atung aa namthum te pen theory hi. Palai te Vaipuak taktak kihel nailo leh kigen nailo hi. Representative Democracy tawh kipai ahih manin i Palai te leh ei kikal ah kizopna pen nang leh kei in a mau te banglung sim tawh teel i hiam? bang sem ding in i deihman aa tel i hiam? Mikhempeuh ngaihsutna kibang lo ding hi. Tua ahih manin Palai tetungah I thudot zia zong kibanglo dinghi. #Ap Dal Sian Amm