Pakistan ah Suicide Bomb puakkham, mi 56 sikhin

Pakistan ah Suicide Bomb puakkham, mi 56 sikhin

Pakistan gam Lahore City ah Sunday Easter pawini in Bomb puakkham in tuciangciang asi mi 56 phakhinta cih Pakistan Health Official te’n Fox News te kiangah genkhia hi. Asi bekbek tuazah banah adang aliamzong mi 200 valbang phakhin cihzong Punjab Province ah Health Adviser asem laitak ahi Khawaja Salman Rafique in genkhia hi.

Kumpi thunei te genkhiatna ah hihbuaina pen Christian te Easter pawipi bawlin aomna ah Suicide Bomb ki sukkhapna panin hong piangkhia cihi. Tuapen Lahore City sung aom Gulshan Iqbal Park kici pakhuan khatpan in buaina hongpiang ahihi.

Pakistani Prime Minister Muhammad Nawaz Sharif inzong hih Bomb sukham te pen mawhmahmah uhhi ci’n genkhia a, asi aliam cimawh dongtuak te tungah adahna pulakkhia hi.

Hih Suicide Bomb pen kua sukkhap cih ki genkhianailo phot a, kumpi thunei te’n abuaipih ngeingai laitak uh ahihi. ZD Sawltak #zomidaily