Ka lametna alianpen in Siamsin te hi

Ka lametna alianpen in Siamsin te hi

Nulepa neilopal kahihmanin tann 10. ciangbek mah sangkahpa kahi a, tann 10 nangawn zong haksatna kawmkalpanin lai avuankhalo, tudong mah, ahilaipa kahi hi.

Kakhua Tuithangah tann 2/3 kahihlai in, ka U upipenpa Cin Go Kap in, Rangoon Art & Science Univertsity ah, LLB sin a, sangkhak hongciah ciangin Zangkong Zomi Siamsin Magazine bu(1967) cihte hongpua a, Zomi Siamsin cihminpen tua hunlai (1970) kiim pekpan ka lungtang sungah akituh khaici manpha ahi hi.

Tuakhit, tann 5/6 pawl kahih hunin ka U nihna Thawng Za Kim in, Philosophy major tawh sang vakah leuleu a, UThant luangvai buaina hongom, sang kikhak ka U ThawngKim tulai (Zolimtui) lapu’pa hongciahsungin, kapian’ na ka Nu’n hongnusia citciat lai hi.

Tua hi a Zomi Siamsin cih kammal ka zak patna ka Ute nih banah Zomi Siamsin akici khempeuh thupisa, zahtak in, ka muang mahmah a,

Zomi Zogam Zolei alaamto, atawisang, akhangto sakdingpen, Siamsinte lobuang muandang lametdang ka theikei a, ka neikei hi.

Ngaisut pi’cing, lungsimsau, sinduai, thukhual dingin, SIAMSIN te hong lamen tawntung, keimah,

• Lengtong Pauno (Cin Za Hu Pau)
• Munkhai’pa, Tuithang khua.
• Mobile: 60182453519.
• Email: [email protected].
• Fb: Lengtong Pauno (BEHS Tonzang)
• Ka lungdam.
• Topa’ thupha!!!
• Tawlngakna Malaysia, K.L.

ZU LUNGVEII (or) ZU NGOLVEII

1990 ma, Hpakant kapaicillai in, KIA galkap te’n zukham buai/kitom,(zu lungveii,zu ngolveii) cih limlim dawmvetlo, zahvetlo uh ahihmanun, Tedim, Sakollam kaveeng khawngvua, zukhamcianga akitomtom katheih tampitak, Hpakant khawngah daikhipkhepse uhi.

Zu lungveii zukham abuaihuai mahmah akitomtom tepen, akihtaakluat aom phatlohhun leh, aleen akhou ahehneemding om asak cianga akitom ngambek uh nahi gige hi.

Theihding: “Nu aneilai naupangte bek nuakngam uhi”

Ka lungdam, Munkhai’pa