Abeisa hunsung in Belgium gamsung aom Brussels khuapi leh France gamsung aom Paris khuapi te ah migilo te gamtatna hangin mi tampi in sihlawh liamlawh uhhi. Tua migilo IS te nasemkhawm akizom teng kumpi thunei te’n limtak in akan laitak uh ahihi.
European Agencies te’n Brussels leh Paris ah ngongtat nasep tetawh akizom mi 8 mankhiata uh cih Die Welt am Sonntag Newspaper te’n genkhia uhhi.
Tua amatkhiat uh migilo tepen Belgium gammi leh France gammi khawngmah nahimawk uh a, Syria gamsung leh Europe gamsung muntuamtuam ah agamta kawikawi te nahih tuakmawk uhhi. Kammaldang tawh genleng midang thah hilo a, amau gammi leh amau aki lehthah kikkik uh himawk hi.
Tua akiman te pen Abdelhamid Abaaoud kici IS makaipa tawh akizopna uh ki mukhia hi. Abdelhamid Abaaoud papen France, Paris gamsung akaplai un akihel makai khat hi a, November 18 ni in French Police te’n kaplum khinta uhhi.
Tualo adang makaikhat pen Salah Abdeslam hi a, Paris ah buailai in akihelding in aki ummawh khat ahihi. Ahi zongin France gampan suakta a, Belgium gamsung Brussels khuapi ah hong ngongtatkik leuleu ahihi.
Tua migilo mi 8 teng amatkhiat theih nading in Germany’s Federal Criminal Police Office (BKA) te kihel uh a, ahi zongin akician in ami te ki pulakkhia nailo cih Reuters News pan kiza hi. ZD Sawltak #zomidaily
Comment piaknop aomleh...