Vice President: Myanmar gamsung ah Hotel saap tamman mahmahlai

Vice President: Myanmar gamsung ah Hotel saap tamman mahmahlai

Myanmar gamsung aom Hotel saap “hotel rate” tepen adang gamvengte sangin tamzawlai hi ci’n Myanmar Vice President Henry Van in genkhia cih Eleven Myanmar pan kiza hi.

Hihvai pen Vice President Henry Van in Saturday (Jan 20) ni in gamsung aom hotel anei “local hoteliers” tetawh ki muhkhopna “Formal Meeting” aneihna ah agenkhiat ahihi.

Vice President Henry Van pen “Development of the National Tourism Industry” kici kipawlna Committee sungah akihel hi a, tua kipawlna ah Chairman asep laitak ahihi.

Local Hoteliers te leh Vice President pen kimuh khopna, thukikupna neizel uh a, gamsung ah Hotel Business bangci khansakding, mailam ah hih Hospitality Industry pen ahoihzawding in bangci geelding cihte akikumzel uh ahihi.

Hih “Development of the National Tourism Industry” kici Committee pen abeisa kumsung in Myanmar gamsung aom State leh Region tuamtuam panin Ministry & Department tuamtuam tetawh Tourism Sector akhantoh nadingin akiphuan ahihi.

Asepding ngimna bulpi ahihleh khuaneu khuata “Rural Areas” phadiak te ah khualzinmi te apainop alunglut nadingin Tourism Development hanciamding, tuabek thamlo tua Rural Areas sungah aomte ii nuntak khuasakzia “living standard” khantoh nadingin vaihawmding cih ahihi.

Tuaban ah gamdang kipawlna tuamtuam “Foreign Organisations” tetawhzong kizopna neiding, Technology lamsang ahzong sepkhop theihding hanciamding cih ahihi.

2016 kumsung in Myanmar gamsung ah gamdangmi khualzin “Foreign Visitors” akigawm in 2.9 Million bang pha hi.

2017 kumsung pen October khabei ciangciang gamdangmi khualzin “Foreign Visitors” akigawm in 3.1 Million phakhin hi. Abeisa kumsung in gamdangmi khualzin tamzaw in, 20% bang khangtozaw hi.

More: Myanmar Tourism Ministry te’n Hotel saap khiamsakding ci

World Tourism Federation te genkhiatna ah abeisa kumsung in gamtuamtuam khualzin kawikawi “International Tourists” pen 1.2 Billion bang pha ci uhhi. Tuabang hileh 2030 kumciangin International Tourists pen 1.8 Billion phading in ki lamen cihi. Sawltak #zomidaily