USA, Colorado pan Pa Johnny Kam Cin Pau (Phaitu, Thangmaan) in hongnusia

USA, Colorado pan Pa Johnny Kam Cin Pau (Phaitu, Thangmaan beh0 in hongnusia

Mangpha Pa Johnny Kam Cin Pau (Kum 58) Thangmaan Beh – Zogam Phaitu Khuami USA gam Colorado,Aurora khua aa ateeng Pa Johnny Kam Cin Pau in abeisa July 12,2020 in Kal natna tawh hongnusia chih thu izaakmanin ZIUSA kipawlna mintawh dahpihna i pulak hi.

Pa Johnny Paupi pen Pasian lam honsakna tawh 2000 in USA atung hi, Pa Johnny Paupi in (UZO-USA) President asep lai tak zong ahihi, Zomi khat ahihmanin dahpihna lainatpihna lahna in ZIUSA kipawlna in paakkual $150 man khat tawh mangpha khakna kinei ding hi.

Pa Johnny Paupi Luanghawm tawh anunungpen hunzatkhop ding hong tung ding Monday July 20,2020, 11:00am hun in (SDA) pawlpi makaihna tawh hunbawl na neih khit ciang in leisung ah tuhna ki nei ding hi.

Pa Johnny Paupi hong nusiatna hang in tanau meltheih khuapih tuipih beh leh phung akuamakhempeuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Genvai tanupi – Zomi Innkuan USA, Inc.)

Dahpihna Pulaakna: Mangpha U Paupi

Ka zahtak mahmah uh leh ka it mah mah uh U Paupi @ Pa Kam Cin Pau (Johnny Paupi) in tuni zingsang lam in Denver, Colorado Zatopi pan hong nusia ahih manin ko innkuan in zong dahpih mahmah ung.

Amah pen tulai tak United Zo Organization (UZO-USA) ii President pu leh Phaitu Community USA ii President asep laitak ahi hi. Zosuan tate kipumkhat nang, ki-it kilem nang leh nasep khop theih nang avei, aci tak, adik mahmah makai picing khat hi aa, i minambup aading pammaih ka sa mah mah hi.

Nung UN Khawmpi (New York) ah zong ZIUSA palai te leh UZO palai te holim khopna, ankuang umkhopna zong hong makai aa, i minam sung ki-it kilem nang alunggulh makai kician mahmah khat ahi hi. Akhua atui, a minam khantoh nang a geel, asem makai khat zong ahi hi.

Amah tawh Guam tuikulh pan 2001 kum sungin US Mainland hong lut khawm ka hi uh aa, ka lung azuang mahmah hi. Ningkum 2019 UZO-USA Khawmpi, Kentucky ah pahtawina (Recognition Award) sang ding in ka va pai lai in ka kithuah khawm kha uh aa, thu leh la zong tampi ka kikum khawm thei uh hi.

More: Lai Siangtho letkhiatna thu ~ Rev. Pau Lian Mang

Amah pen Zogam, Phaitu khua, Tonzang Township pan apiang hi aa, ka Zi te tawh khua khat zong hi in, kei aading ka sung’ lam, ka Nu lam te zong ahi hi. Tulai tak Zo Party (ZNRDP) ii President Pu Enpi (Andrew Kham) ii sanggam laizom zong ahi hi. Topan adah akap khempeuh hehnepna hong pia ta hen… Lungnuam tak in Tawntung Pa’ kiang na pai oo U Paupi.. Mangpha!! Thomas On Sian Mung (Thomas Mung Guite) Washington D.C