Tulaai Leitung Thuthang tuamtuam Update (Sep 08)
Nu Khan leh Apawlte White House Sung ah
Zomi sung ah Pasian in ongzatsak mahmah ahi Nu Khan leh Apawlte White House sung Zomi te ading in thupha lading,US Kumpi thuneiteh thupha piading in President Trump te Nupa tungpan sapna laai ngah uha, September 8,2017 Ni in White House sung ah kilek zialzial ta uhhu.Nu Khan
Mexico gam ah Zinling
Mexico gam tawdawklam Chiapas leh Oaxaca State kikaal pan 8.1M haat Zinlinna September 7,2017 Mi ihmuhnop laitak om a mi 58 si in inn le lo tampi kisia hi. Misi kibehlap laaiding in lam en uhhi.Tuma kum-100 pan tu kikaal anasiapeen cin gen uhhi.BBC NEWS
US Khuahun Sia
Hurricane Irma huihpi leh guahpi in Tuikulh neuneu teng ongnawkto in mi-20 athah ban US Leitangtung ahi Florida state lam ongmanawhto a Saturday ni nitaaklam in Florida,Atlanta,Tennessee dong ah ongkipeitoding ci in Hurricane Center ten gen uhhi. West Palm Beach bang ah tuni in Palik te innkim ah banpai in kiheem un cin genkawikawi uhhi. Hih Hurricane launa hang in Florida State pan mi asanna lam ah kahto ziahziah ahihman in Lampi tungteng ah nawtaw dim in awkcip a,Gas Station te ah sawtpi ngakkul ban ah Gas peen Florida state sung ah 40% bang beita hi.BBC NEWS
Israel Prime Minister pa Zi thu kibawl ding
Israel PM Netanyahu i Angkawi Sara Netanyahu in kumpi $100,000 thumanlo in azatna hang in thu kibawl ding hi ci in Attorney General in September 8,2017 ni in genkhia hi.CNN NEWS
China leh Pakistan ten Gaaldo kisinna bawlkhawm
Sen leh Pakistan gam te in bang ngimna neihdihdih hiam September 8,2017 ni in Leilam,Vanlam,Tuilam kigawmkhawm in Gaaldokhop kisinna nasiatak in bawl uhhi.Xinhua News
US Ten Sumbat Khanding
US Senate in $15 billion Hurricane Tuikhang huhna a zeekding September 7,2017 ni im thukimna kipsakna neita uhhi.Hih peen US te Leiba ah kigawmto ding cilai hi. Huston Texas lam a Zomi Small Bussiness nei i om leh nakan le uhcin tuadingzong ci uhhi.US TODAYS
Equifax Data kibuluhsak
US gam sung Mipi te mimal taangthu leh thusim teng anakeem Credit Etna Company-3 lak ah khat ahi Equifax te i Computer kibuluhsak a mipi 143 million te i Social,Address,Suahni leh Phone nambat cihte kigu ci in September 8,2017 taangko khia uhhi.Hihtawh kisai in kumpi lam leh Mipi lampan thubawlsawm uha Zomi te zong tampi kihelkhading ihihteh laai ongtung natelloh te atheite dongtek ni.CNN NEWS
Preaident Trump i Vacation Innpi khat huihpi in nawk
Hurricane Irma huihpi in St Martin tuikulh tung a President Trump in$17miilion tawh alei inn hoih mahmah khan-11 apha September 7,2017 ni in muutsiatsak gawp hi.Apuahman abeizahding bel kitheinaikei ci in azuakzuak laitak ci hi.Washington Post
US Country Lasiam khat si
Country Lasiam mahmah a kiciamteh Troy Gentry kum-50 September 8,2017 ni in New Jersey Khua ah atuanna Helicopter kia a amahzong ahuihdiikna khawlta in apa kiang ah ciahta hi.FOX NEWS
Related: Alungluut huai Kawlgam politics ~ Khawm Pau
North Korea Leikhamaang kipankik
Kim Jong Un ukcip North Korea te in September 9,2017 ni ciang ICBM Thaupi Lawkpepa te lawnleuleu ding ahihman lauhuai hi ci in South Korea President pan September 8,2017 ni mipi te theihsakna nei hi.President Trump kumpi sepzawh alungtang avutvelval peen North Korea in kiciamteh hi.FOX NEWS Lungdam, Khawm Pau
Comment piaknop aomleh...