Nuntakna tawh kisai theihtuak pawlkhat

Nuntakna tawh kisai theihtuak pawlkhat

1. CIDAM NADING

[1]. Nisim in tuisiangtho tam pipi dawn den in.
[2]. Zing an tampipi ne-in nitak an tawm nek in.
[3]. Singgah thei puam leh mehteh mehgah lam tam nek zaw in.
[4]. Tha neihna, tha piakna,tha lawpna cih tha thum tawh nung ta ding [3 E’S Enery, Enthusiasm, Empathy].
[5]. Pasian thu thuk ngaihsut na [Meditation] pumpi suak ta – in kha tawh nuntak theih nading leh thunget nading.
[6]. Kimawlna tuamtuam kimawl ding.
[7]. Laibu tampi sim kawikawi ding.
[8]. Ni khat in a tawmpen minit 10 dai dide sa-in thu ngaihsut na-in zang in.
[9]. Nisim pong maan nai 7 ta ihmu ding hi.
[10]. Ni sim pongmaan minit 10 pan minit 30 ciang bang maitai sa-in lamsiau den ding hi.

2. PUMPI LEH MEL PUAKZIA

[11]. Na nuntakzia midangte tawh kiteh kakkak se dah in. Amau’ kalsuanzia bangci gel uh cih na thei kei hi. [12]. A hithei nawnlo thute siat ngaihsut lak den nawn ken la, a pha lam bek-in lazaw-in.
[13]. Nasep uang lua ken, na hih zawh tan ciang bek thei in sem in.
[14]. Nang leh nang hi kisa kei-in mikim in zong hi kisa khin ciat khol lo uh hi.
[15]. Thucin thutang genna tawh na hun, na thatang mawk bei sak keizaw-in.
[16]. Na ihmut loh sungin na lunggulh thute gelgel sa-in nei den in.
[17]. Mi enna-in hun beisak lel hi. Na kisap teng mah a nei khin hi lel hi teh.
[18]. A beisa hun- thu buai leh thupiangte mangngilh lel in. Na pasal / zi in a beisa hun in a hihkhialh, a bawlkhialh nate pulak kikkik nawn kei in. Na pulak den leh tua in tu mahmah in zong hong lung nuamsak lo ding hi.
[19]. Mi khat peuh muhdah et satna tawh tomkal sung zang kei-in mi mudah se kei-in.
[20]. A beisa hunte lungnop ngaihsut lecin tuni-in zong na lungsim hong buaisak om nawn lo ding hi.
[21]. Na nopsakna ding nang tung bek ah kinga hi .

(sutzop ding)

Job Khupsang