India ah numeino kum 11 aphapan khat abuanhuan pasal mi 17 kiman

India ah numeino kum 11 aphapan khat abuanhuan pasal mi 17 kiman

India gamsung ah numeino kum 11 aphapan khat abeisa tawlkhatsung pasal honkhat in zawhthawh thutawh buan ngekngek uhhi. Tuabangin numeino abuan pasal mi 17 ki mankhia khinta hi ci’n Tuesday ni in Indian Police te’n AFP te tungah genkhia uhhi.

India gamsung ah numei kibuan, Rape Case cihpen aki zathei zelzel thuthangkhat hi a, tualak ah alipkhap huai kumcinglo numeino kibuan te lakah hih thuthangpen akiza nunung ahihi.

Tua buan athuak numeino pen abil hoihlo, khua azatheilo “Hearing Disability” khat hisawnsawn hi. India, Chennai City sung aom kuamah ateenlohna Apartment Block sungkhatah pasal honkhat kikhel in abuan zelzel uh kici hi.

Tuabangin abuante lakah Security Guards, tuizawnbawl Plumber, Elevator Operator cihte kihel uhhi ci’n State Police te’n genkhia hi.

Numeino abuan masa penpen ahihleh kum 66 aphakhin Lift Operator khat ahihi. Numeino pen sanginn panin aciah laitak, Building Complex sungah Cycle tawh anawk laitak in buan athuak cihi.

Tua numeino abuan masapa in adang alawm pasal tezong abanban in sam a, numeino buansak in Video kizaihsak uhhi. Numeino in athuak zawhnawnloh ciangin a ihmut nadingin zatui sun in, guihtheih khamtheih akihel dawnding tuikhum “Drug-laced Soft Drink” zong pia uh kici hi.

Hihpen tuciangciang aki kankhiatheipak, aki genkhia theipakteng hi a, athu akicianzaw in thuktak in aki kansan laitak hi ci’n Local Police Official te’n AFP te tungah genkhia hi.

Local Report akizakna ah tua numeino pen Building Complex sung aom muntuamtuam, Basement, Terrace, Gym, Public Restoom cihte ah paipih kawikawi in buan kawikawi uh cihi.

Tuabangin numeino zawhthawh thutawh akibuanlam a innkuanpih te agenkhiat ciangin kitheipan a, tuaciangin amanlang in Police Report kibawlpih pahhi. Tulaitak tua numeino pen zatui akibawl laitak, Medical Attention akipiak laitak cihi.

India gampen zahmawhvai kibawlsiatna “Sexual Violence” atam phadiak in aki ciamteh gamkhat ahihi. 2016 kumin aki pulakkhiatna ah India gamsung ah kumcingnailo naupang “Minor” bekbek mi 19,000 bang in bawlsiat thuakden uh kici hi. Tualak ah atamzaw pen Police Report cihbang kibawl seselo cisawnsawn hi.

More: India, Delhi ah naungek kha 8 bekbek aphapan khat buanthuak

Tukum January khasung inzong India gamsung Hindu Temple khatah numeino kum 8 bekbek aphapan khat ki mancip “Kidnap” in guihtheih zatui “Drug” kipia a, tuakhit ciangin pasal honkhat in nitampi tawlkhatsung buanhuan uh “Gang-raped for days” ahih manin tua numeino pen sihlawhliang hi. Tuaban ah Delhi City sungahzong numeino kha 8 bekbek aphapan khat nangawn buanthuak cih thuthangzong kiza ngei hi. Tuabang gamtatna hangin India gamsung ah kum 12 nuai numeino abuante pen sihdaan “Death Sentence” piakding hongki pankhia ahihi. Sawltak #zomidaily