Melbourne ah Sialsawm Pawi Soccer kimawlna tawh kibawl

April kha 23 & 25, 2016 ni in Melbourne khua om Zomi te in, Zongei na thu pi khat a hi Sialsawm pawi pen Bawhlung ( Soccer) ki mawl na tawh na sia tak leh nop ci tak in bawl uh hi.

Hih pawi sung ah Melbourne om Zomi Pawlpi tuamtuam te pan Bawhlung Team khat ta ki seh in, tua te lak pan Pawlpi 6 ( Team 6) hong ki hel thei uh hi. Tua bek hi lo in Numei te zong Team 2 ki khen in Bawh lung ki mawl uh hi.

Hih Sialsawm pawi pen Melbourne ah a (3) vei na Bawhlung ki mawl na tawh a ki bawl a hihhi. A ki mawl team te pen Zomi Baptist Church, Full Gospel Assembly, Zomi Mission Church, Seven Day Adventist, Emmanuel Assembly Church leh Zomi Catholic te a hi uh hi.

Hih team teng lak pan Final pen Zomi Baptist leh Full Gospel te ki tuak uh aa, Full Gospel ten 3:2 tawh zo uh hi. Numei team te pen Zomi Baptist leh Zomi Mission te ki mawl na ah Zomi Baptist ten 2:0 tawh zo uh hi.

Hih Sialsawm pawi pen Zomi Assocition Australia makaih na tawh a ki bawl a hihi.

Thupuak
ZAA Media