Malaysia Minister nungzui Officer khatin numei nikbawknuai pan Video zaihsimsak

Malaysia Minister nungzui Officer khatin numei nikbawknuai pan Video zaihsimsak

Malaysia gamsung aom kumpi thunei Minister khat ii anungzui Officer “Aide” asem khatpa in numei khat ii anikbawknuai, anunglam panin Video agukzaih simsak laitak kimukhia hi. Tuabangin agamtat laitak pen CCTV panin Video Record kiciantakin kimuthei a, tua Video Clip pen Malaysian Netizens sungah ki thehzak, Viral Video khat suakpah hi.

Tua kumpi thuneipa pen mimawkmawk hilo, Home Minister ah alianpen nihna Deputy Home Minister Datuk Mohd Azis Jamman ahihi. Tua Minister pa ii anungzuipa in zanni Saturday sunlam in numei nikbawknuai “Upskirt Video” zaihsak ahih manin, buaina thuthang apiang ahihi.

Athu akigenna ah tua Deputy Home Minister Datuk Mohd Azis Jamman papen mitlimlang bawlsak dingin Solaris Dutamas aom Optical Store khatah apai ahihi. Optical Store sungah mitlimlang akisinsak laitak in anungzuipa in nasem numei khat ii anikbawk anunglam panin akhutsung ah atawi Phone tawh Video zaihsimsak hi.

Tuavai hangin Optical Store sungah nasem numeinu in Police Report bawlpah a, tuapanin aki theikhia ahihi.

Numeinu in agenkhiatna ah Minister pa ii mitlimlang ding abawlsak, asinsak laitak in anungzuipa ii gamtatdan leh aomzia pen muanmawhhuai cihi. Numeinu ii anungnung ah omkawikawi in, muanmawhhuai sapian ahih manin, a etsim ciangin akhutsung ah Mobile Phone tawh anikbawk anuailam panin Video Record abawlsim ahihlam mukhia takpi hi.

Video: An aide to a deputy minister has been accused of recording an upskirt video of a woman at a shop in Solaris Dutamas. The man, an aide of Deputy Home Minister Datuk Mohd Azis Jamman, was allegedly captured on CCTV committing the act at an optical store on Saturday. His victim was one of the store’s female workers.

Tuaciangin CCTV Record limtak enphakik uh a, tua Minister ii anungzuipa ii agamtatzia avekin kiciantak in kimuthei takpi hi. Tuabangin agamtat laitak CCTV panin aki teikhiakik Video Clip pen 47 Second khawngbek sawt a, tua Video Clip pen Social Media ah ki thehzakpah zihziah hi.

Hihvai hangin Minister pa’nzong anungzuipa pen nasep khawlsakpah cihi. Minister pa ii Statement akhahkhiatna ah anungzuipa ii agamtatzia pen maisaktheihding hilo ahih manin, thupitak in ki ngaihsun hi. Tuabang agamtatna hangin Deputy Home Minister zong hongmindaisak, bekthamlo Deputy Minister’s Office khempeuhzong hong mindaisak hi.

Tua ahih manin, tua Officer papen anasep panin thakhatthu in aki khawlsakpah ahihi ci’n genkhia hi. Police Report kibawlkhin ahih manin, Police te’n akisam bangin vaihawmbehding uhhi.

More: Numei nikbawknuai Video azaihsimkhat kal 15 thongkiading

Tuhunciang Mobile Phone pen mikim in kitawitek hi. Tua nakhutsung aom Phone tawh zaihhuai leh zaihhuailoh cihtepen nakhutme khentat sakkei inla, nalusung ah napuak nakhuak khentat sakzaw in. Upskirt Video hangin liautuak, thongkia tammahmah khinta hi. Singapore gamsung ahzong Upskirt Video hangin Myanmar gammi akiman kizakhin hi. Sawltak #zomidaily