Khatvei khialhna, khantawn supna
Zomite ih damkim ciat hiam? Ih Kawlgam kumpi Thein Sein in gambup kiteel ding hong taangkona tungtawn in Party tuamtuamte leh NLD in zong dinmun,kalsuan zia ding cihte hong taangko khia ziahziah ta uhhi. Daw Aung San Suu Kyi genna ah “Gambuppi ah meekuang ka lui dinga ahizongin mun pawlkhatte ah ka lui kei ding hi” ci hi. .A diakin UNA te mun ah luilo ding in ih lamen hi.
Party tuamtuamte dinmun alaigil lian ahi kei zong Online tungtawn in thutampi kimu thei hi. Tua mah bangin Zomi Party (Zo Party hi lo) thu zong hong namlitlit ta hi. Zomi Group Net & FB tuangtawn in lungngulh zia tampi Zomi pihte hong hawmsawn khin hi. Bang teng hong ki gelh in bang teng hong ki pholak lai ding cih te zong omlai dingin lametna ih nei lai hi. Mipihte lung himawhna te zong thupi ka sa hi. Hun paisa leh hong tung ding hunte a khinkhai pawlkhat in 8888 lai dan zong piangkha thei ding cih zong a mukhawl na nei uh hi.
Thu tuamtuam zak leh kigelh ka muhciang in, koipen hong tangtung ding hiam cih lungngai deda kawm in tutung Zomi min tawh kuanglui ding peuhmah hong thupi kha ding in lametna lianpi ka nei hi. Gtn, deihloh lam in gam hong pai leh a kibucip leh galte a pawlbawl ziau ding cihte pawl helvet lo in zong telvet kei leng hoih ding in ka lamen hi.
Tu hunlai tak pen pillo pi hong kipilsak , hatlo pi hong kihatsak, hanglopi hong kihangsak tam mahmah dingin ka lamen hi. Zomi te thu Zomi mah in gen ding ih hihmanin kawp leh kai athuah te ih telvet loh ding hong thupi mahmah ding hi.
A tel din te leh a khentat ding Pawlmi ahizong Sia, Siamah leh a zahtak huai Makaite in kum 1990 ki telpi te nung et vengveng kawmsa leh hong tung ding Kum zalawmte gaal et khuadak mahmah ding zong kisam mahmah ka sa hi. Bek thamlo in Party thukhun , Party Policy lenkip ngamlo dingte peuh helvet lo ding hi hang.
Zomi party taangm ding ih cih ciangin Zomi Zogam tang hong hi ding ahihmanin, gelsiam itna hehpihna neite hong hih ding hong thupi kha ding hi. Lai gelh, Thomas Piang (Nashville, USA)
Comment piaknop aomleh...