Lamkhakcip in akikoih mawtaw khat thuhilhna in inntungdawn ah ki koihsak
Sengam ah mawtaw Parking koihnading ah sumpiakding iksik in akoihnuamlo khat thuhilhna kinei hi. Ama mawtaw pen lampi khakcip in koihziau ahih manin, Property Management Firm khatin nawngkaisa in, thuhilhkawmna in tua mawtaw pen inntungdawn ah koihsak uh cih Ersanli News pan kiza hi.
Northeastern China, Liaoning Province sungah abeisa Tuesday ni in thupiang ahihi. Mawtaw anei, ahawl pen numeikhat hi a, Security Guards te’n mawtaw akoihman sum alaksawm ciangin pianuamlo in kinialnial uhhi. Anunung ah tua numeinu in a mawtaw pen Security Station mai ah nusiacipziau in, sumzong pialo in paisan hi.
Tua mawtaw hangin Housing Estate sungah alutding mawtaw khempeuh khakcip in, nawngkaisak mahmah hi.
Tuabang in nai 2 sungbang akoihcip khitciangin mawtaw aneinu kuadawk tuanlo ahih manin, anunung ah Property Management Firm te’n mawtaw adopkhiat nadingin Crane kawm uhhi.
Crane tawh tua mawtaw pen lampi a awngding in hemkhia uh a, ahi zongin tua mawtaw pen mawkkoihlo uhhi. Security Station ii innkhumtung ah koihsak citciat uhhi.
Mawtaw aneinu akilehkik ciangin a mawtaw pen inntungdawn ah kikoihsak amuh ciangin hehleuleu a, Police ah Report bawlleuleu hi. Hihvai hangin Property Management Firm panin thuneite leh mawtaw neinu Police Station ah kisam in, kimukhawm cihi.
Related: Malaysia, Seremban ah Parking akikoih Motorcycle 13 meikang
Anunung ah Crane khatvei kikawmkik leuleu in, numeinu mawtaw anuai ah ki dopkhiatsak leuleu cihi. Ahi zongin hih Crane kawmman kuanpia, Parking Fee apiahiam cihte Report ah kigelh nawnlo hi. Ih omna gamkhatpeuh in thukhun ihzuihsiam keileh mawhnadaan akituak zeuhzeuhding ahihi. Akhangto gamhoih gamnuam atungsa te lakah zukhamsa in mawtawhawl ahih manin, liau atuahlawh omkiaukiau theizel hi. Sawltak #zomidaily
Comment piaknop aomleh...