Numei nam (7) te thu ~ Job Cinpi

Numei nam (7) te thu ~ Job Cinpi

Mihingte kibat lohna a tuamtuam om a, gamtet luhekna ahi a, ngaihsutna le kampauzia ahi zongin a kibang om lian om thei loin khat le khat kilamdanna khat ciat kinei hi, cih pen nial thei nading thu o dingin ka um kei hi. Tua banga kibat lohna a tuamtuamte sungah numeite khat le khat a kibat lohna le numeite nam (7) te thu tawm khat gen nuam hang.

Numei lungsim nam (7) om napin numei khat tung bekah nam nih nam thum a om khawm zong om thei veve hi. A vek-in kituak khin ding cihna ahi loh hangin sittelna ah a tamzaw kituak ahi manin, aman a man lo pen laisimte tungah kinga zawta hi.

1. Hehpihna a nei numei:

Awnem takin kampau a, a lungduai hi. Thutang deih ahi manin amah mahmah zong thutangin gamta pah hi. A sam vomsak den a, a awte ngaihsak loin lam a pai ciangin sianglim ( a khete kaital lo, pai dawidai lo, pai setset ) hi. Deih le kisap tampi nei lo uh hi.

2. A ngongtat thei numei:

Aw-ngaih takin kampau a, lungkhauh-in kampau manlang mahmah thei uh hi. A gamtat a khutvik uh khauh thei a, samkil deih thei uh hi. ( Samkil khempeuh cihna hi pah lo hi.) A ci a sa uh dulh-in, a tha gol uh a, lam a pai ciangin pai banban thei uh hi.

3. A kihisak numeite:

Kam tampi a pau loh uh hangin a gen sunsun uh cik mahmah thei a, kihisak pau den uh hi. Kineih siam mahmah uh a, midangte lungsim kimawlna-in zang nuam mahmah uh hi. A aw ngaihsak uh a, samtom deih den thei uh hi. An lim tui lim lunggulh lua loin, deih le kisap hau lo uh hi. Lam a pai uh ciangin damtakin kalsuan thei uh hi.

4. A lungnop tuak numei:

Thu le la khatpeuh a gen uh ciangin a aw uh ngaihsak uh a, gen baba thei pian uh hi. Pumpi kizepdan a tuamtuam thei uh a, an lim tui lim ahi a, van le nate ahi zongin deih le kisap hau thei mahmah uh hi. Kampau a nawh mah bangin lam a pau uh ciangin zong nawhpai uh hi. ( A lungnop tuak khempeuh a lungnuam hi pah sam lo hi; ahi zongin mihing mit tawh i et ciangin a lungnop tuak deuh om uh hi. )

5. A maizum baih numei:

Thu khatpeuh a gen ciangin nawh gen lo uh a, a hek a tatna le a omziate sianglim hi. An a nek ciangin nawhnek lo uh a, zia nei tuan loin pongman takin gamta thei uh hi. Sam vom deih uh a, thu khatpeuh a gen ciangin a awsuah uh zol hi. A hekna khempeuh ah kidawm-in gamta uh hi.

6. Kineih a siam numei:

Kam a pau ciangin a pianpih awsuah sangin a zol zaw le aw nem zaw-in kampau den uh a, dah baih le maitai baih uh hi. A khut a khete nem ( khik lo, khauh loin) mahmah a, dam takin lampai uh hi. It le ngaih hau uh a, kizepna gimnamtui deih mahmah uh hi. Nek khat-in an tampi a nek loh uh hangin annek lunggulh mahmah uh a, deih le kisap hau mahmah uh hi.

7. Angkawm nuam a sa numei:

A kampau uh nawh loin, aw khauh a zat loh uh hangin a aw uh ngaih hi. A lungsim uh khauh thei hi. A muh peuhpeuh ngai thei uh a, it le ngaih hau-in lawmngaih nih le thum nei kawm thei uh hi. Lam a pai ciangin nawh pai uh a, zia nei pian uh hi. Kizepna gimnamtui thupisak uh a, silh le ten thupisak mahmah uh hi. Deih le kisap tampi nei uh a, ngahnop tampi nei-in, lamet tuamtuam tampi nei uh hi. Lungdam, Job Cinpi (Zomi Laisim Nuamte)