Numei leh Nawi Cancer ~ Hau Lun

Numei leh Nawi Cancer ~ Siama Hau Lun

Nawi cancer pen Kum (40) val numeite, Pasal neilo numei hamte leh Nau nei napi nawi a pialo nupi te-in nei thei deuh hi. Nungak khin numei khempeuh in Nawi Cancer a pian theih lam tel-in ki dophuai hi. Nawi cancer a pian tuungin nawi natna , omdaan noplohna om khollo ahih man in a nasiat khit ciang ki thei pan thei hi.

Nawi cancer hong pian ding ciangin nawi tungah sabawk hong piang masa hi. Tua ahih manin nungak nawibawk khin numei khempeuhin kisil simin nawi langnih leh le-nuai kiim dong sabawk om maw om lo limtak ki vel kul hi. Sabawk khat peuhpeuh a om aleh zum ngaihsut lo-in a thei Siavuante kiang ki lak pah in. Sabawk khempeuh zong cancer hi khin pahlo hi.

Zato ah ki lakpah dingte

• 1. Nawi vun hong sah leh
• 2. Nawi vun pawlkhat hong komsuk leh
• 3. Nawi muk kiim a vun hong taak leh
• 4. Nawi muk pan tui, si, a namsia tui hong luan leh
• 5. Nawi thak pahpah ahikl a mel a san leh
• 6. Nawi muk a tumsuk leh
• 7. Nawi thagui te hong golzawk leh
• 8. Nawi ah a phual nono hong po leh
• 9. Nawi ah meima a om leh
• 10. လိမ္မော် gah hawng bangin nawi vun hong phual leplap leh
• 11. A golna ahkl a mel hong ki khel vat leh
• 12. Nawi leh lenuai kiim ah sabawk a na leh sabawk analo hong om leh

Nawi cancer a hih zenzen aa leh

• 1. Cancer Sabawk atkhiatna (Surgery)
• 2. Aki sam Hormone piakna
• 3. Cancer zatui khaina (Chemotherapy)
• 4. ဓာတ်ရောင်ခြည် piakna (Radiation Therapy) cih daan in ki bawlthei hi.

Thei baih pah in sabawk at khiat khit teh zatui khaina leh ဓာတ်ရောင်ခြည် piakna tawh damsiang thei hi. Tua ahih manin theih baih ding thupi mahmah hi.

Nawi cancer pen khanggui ki zomin piangthei ahih manin khanggui ah nawi cancer a neite in nawi ah sabawk khat peuh peuh na muh leh zato ah ki lak pah kul hi.

Bangci ki dal ding?

• 1. Nau na neih leh nawi pia ding
• 2. Nau khamza zanglo ding
• 3. Zu leh Za zanglo ding
• 4. Nisim in Exercise min (30) ta bawl den ding
• 5. Kum khat in khat veita nawi cidamna hoih maw hoihlo lak den ding

Deihsakna tawh, HauLun Lam-etna (Ref: www.breast cancer.com)