Nitum zia thusim (The Sunset Mystery)

Nitum zia thusim (The Sunset Mystery)

Tua ni pen nitak tung lam hi. Ka vek un nitum na lam en kawm sa in mualpang khat ah ka tu uh hi. Siapa in athuhilh ong kipan in, “ Laisiangtho Calendar i et ciang, ni a tum lian leh tua ni pen a manta, azo ta hi.” Tuni sung a thu piang khempeuh pen abeisa hi pah a, ‘Zan’ki ci ta hi.

Tuni a buaina khempeuh zan’ a buaina ong suak hi. Tuni a i lungkhamna khempeuh zan’ a lung khamna ong suak hi.Tuni a na khialhna pen zan a na khialhna ong suak hi. Tuni a na dahna pen zan a dahna ong suak khin hi. Ni atum hun lian leh, hun bei sa ong suak hi.”

“Tua teng pen bang thupitna om ahia leh sia aw,”

“Messiah leitung ah ong vak lai in, “Kei mah in leitung khuavak ka hihi’ ci in leitung ah ong pai in, anuntakna ong pia khia hi.”

“Tua tawh ni tum tawh bang mah ki memat sa mel kei si ingh e sia aw.”

“Hih bang ai ve, Amah ong sih tak ciangin, leitung khua vak asi ong hi a,leitung khua vak pen ong mial in, khua ong mui hi. Tua leitung khuavak pen leitung ah ong kum suk hi. Ni a tum hi. A tatak in ci le hang, amah ong si in, ni ong tum hi. Amah pen han khuk sungah ong ki sial tak ciangin, tua ni pen lei sung a atum suk hi. Tua ahih man in amau te in, manlang tak in vui uh hi.

Ahang pen ni tum duiaduai mawk ahih ciang a, aluang la uh a, anoh vui mahmah uh hi. Tua ciangin, amau te in, han sungah aluang sial uh a, suangtum tawh khakcip in, seal atum uh hi. Leitung khua vak, Ni,pen lei lam manawh in tum in mial hi.”

“Na cihnopna pen leitung khua vak leh nitang khua vak pen tum in mial khawm aci nuam na hia?”

“Himah.” Acih khit ciang in, “Adeihna na thei hia?”

Leitung khuavak pen leisungah tum cih pen nitum cihna hi lo dia.”

“A deihna pen, leitung nitang pen khuamui in, alui na te zong nitum bang in atum ahi ta ve,Ni atum teh tua ni abei mah bangin, i ni lui, i leitung ngeina lui, nuntak na lui, a lui khempeuh abeisa hun ah ki khin ta hi. I khialhna, mawhna te zong bei khin zo ta hi. I natna, i buaina te zong bei zo hi. Imaizum na i gual letna te zong zan hi khin ta hi, tua teng zan hun in bei ding a, mithak, nunnathak, khihcipna om lo nuntakna ah ki tho kik ding cih bek ki ngak ta hi.”

The mission: Na nuntakna ah alui na khempeuh nitum bangin tum ta hen la, abeisa khempeuh zan hi ta hen la, Messiah ki vui na ah nitum khawm ta hen. John 8:12; 9:5; 19:30-41 The book of mysteries | Day 68 Dim Lun Zam