Nitak annekding atanu in neksak ahih manin Malaysia papi khatin atanu tuisa buak

A nitak annekding atanu in neksak ahih manin Malaysia papi khatin atanu tuisa buak

Malaysia gamsung ah papi khatin atanu tuisa buak cih Bernama pan kiza hi. Tua atanu pen kum 8 bek aphapan hi a, tuisa abuakna ahangpen atanu in anitak annekding neksak ahih manin, gilkiallua lumhamgawp in atanu takpi tuisa tawh abuak ciliang hi.

Hih thupiang pen George Town ah nung Thursday ni in thupiang hi a, Penang Police te genkhiatna ah tua nitak annekding pen azi in ahuansak cihi. Apapi pen Pre-paid Card zuakna ah nasem Sales Agent khat hi a, nasep aman ciangin zingsangtunglam 1am hunpawl in inn ciahpan hi.

Inn atun ciangin gilkial mahmah in, an aminsa nelianding cihtawh inn aciah ahihi. Ahi zongin a nitak annekding pen atate 4 in na gaihtumsak uhhi. Tua nitak an aneksak atate pen kum 3 leh kum 9 kikal kici hi.

An nekding aomloh ciangin a ihmukhin atate phonggawp in, tawnggawp a, benggawp hi. Tuakhit ciangin tuisa kuangkhattawh la in, atate thehphei sawnsawn hi. Tua tuisa in atanu kum 8 aphakhat pen thehpheikha pahhi. Azi leh ata adangte’n zong papipa ii agamtatna mu uh himahleh kuamah in khaamngamlo uh kici hi.

Tuisa akibuakkha atanu pen akhut, apumpi leh a awmsungteng kangdeugawp in avun kolhkhia hi ci’n thunei te’n zanni in genkhia hi.

More: Malaysia, Kota Damansara inndawl 17 panin naupangno kum 3 khat kiasuk in si

Tuabangin papipa agamtat khitciangin Police te’n amatding pataukik ahih manin, azi tawh taimang vingveng a, koilamtung cih kitheilo hi. A inn ah atate 2 nusia in anupa un ataimang hi a, tua anutsiat atate pen api in kepsak kici hi. Police te’n tua papipa pen mattheih nadingin akansan laitak uh kici hi. Gilkialluat zong lauhuai mahmahleh kilawm hi 🙂 Sawltak #zomidaily