Nigeria ah Security Forces in COVID-19 Lockdown Order palsat mi 18 kaplumta

Nigeria ah Security Forces in COVID-19 Lockdown Order palsat mi 18 kaplumta

April 21: Nigeria gam-ah security forces ten Covid-19 pandemic kizelh gawp ding dalna in enforcement order (curfew) a koih uh a palsat mi 18 kaplum khin zo uh ahih manin Nigeria gam-ah Covid-19 hanga si sangin security forces in thukham palsat a kaplup tam zaw ta hi ci-in April 16 Nigerian human rights body report in gen hi. Worldometer Covid-19 count data latest ah Nigeria ah 665 total cases om a, a si 22 pha ta hi ci-in ciamteh hi.

Nung Nilaini in National Human Rights Commission in Nigerian states 36 lak panin 24 sung leh Abuja khuapi ah security forces in human rights a palsatna uh a heekna leh ciamtehna 105 complaints kingah ta hi ci hi. Hih 105 complaints lak panin documented incidents thupiangte pen judiciary thupiakna om lopi-in kithahna (extrajudicial killings) ahih manin mi 18 kithat khin ta hi ci-in gen hi.

Nigerian capital Abuja panin Al Jazeera’ Ahmed Idris in a report ah, “Mi 18 kithatte lak panin northwest Kaduna state sungah correctional officers ten mi giat that uh hi. Police ten mi sagih that uh a, army in nih that uh hi cih ngawhna om hi. Southeast ah lockdown koih local committee enforcing in mi khat that uh hi,” ci hi.

Human right commission in lockdown order palsat hanga kithat pen Covid-10 virus hanga ki sangin tam zaw a, nung Nilaini in Nigeria ah Covid-19 case official figures registered 400 val om a, mi 12 si ta hi ci hi. “Law enforcement agents ten extrajudicial in enforcement regulations palsat mi 18 that ta uh hi,” ci-in gen hi.

Lockdown order hangin security agents ten thathang hatna a khengval in a zat ban uh-ah thuneihna a khengval in zang in nekguk takgukna (abuse of power, corruption) a ciing ban uh-ah national leh international laws tawh kituakin rules of engagement leh best practices zui loin phengtat uh hi ci-in ngawhna tuak uh hi. “Nigeria gam-a security forces ten lockdown sungin states tuamtuamte ah lampi khaktan in, car leh identities ban check in mi lausak uh hi ci-in ngawhna tuamtuam tuak uh hi,” ci-in Idris in gen beh hi.

Nigeria in a national capital Abija, commercial capital Lagos leh a kiim a Ogun state ah total lockdown koih a, regions dangte ah a virus a do leh dalna ding restrictions tuamtuam koih uh hi. Restriction measures encik dingin police leh army kihelin security forces kiban koih ahih manin states tuamtuam ah human rights a palsatna hangun nung kal in mi 18 that ta uh hi.

Police spokesman Frank Mba in AFP news agency kiangah, “Police authorities in officers khatpeuh i right abuses or infractions kithuak dide loin action kila ding hi. Nautang tung panin zawhthawh thu tawh sum a suhsak officer kigawt a, a sum nei pa tungah a sum kipiasak kik hi,” ci hi. Police ten lockdown measures enforce zom ding uh a, professional leh international best practices kizui ding hi ci hi.

Local leh international rights in Nigerian security forces ten civilian right abused uh hi ci-in a ngawhna sawt mahmah ta a, ahi zongin ngawhnate Nigerian security forces in nial hi. Virus restriction measures hangin thukham palsatna leh buaina (crime leh unrest) a diakin income poimawh a ngah thei lo zawn’na tawh millions mi omna Lagos ah nasia kha dingin kilamen hi.

More: Covid-19 Alert IV: Quarantine & Isolation bangcih kikhoiding

Nigeria gam tawh kilehbulh in America gam-a Trump supporters leh conservatives ten lockdown order lakkhiat ding deih in kiphinna nei uh a, Covid-19 pen kikhemna hi a, a virus sangin hih pandemic hi ci-in kikhemnna HOAX or LIE kihtakhuai zaw hi ci-in lockdown order palsat in states 12 val ah lungphona nei zom lai uh hi. Trump in hih lungphona neite gam it mite hi ci-in “good people” hi ci-in gum zaw lai hi. Nigeria gam hi leh liak kha ngel ding dan uh hi. Philippine President Duterte leh Turkish President Erdogan in zong lockdown order palsatte kaplup dingin thu pia hi. Source: Al Jazeera and News Agencies @ Thang Khan Lian #ZUNs