US Glenpool ah hongnusia Pi Niang Do Man sihkohna leh sihvui hunding zaksakna

US Glenpool ah hongnusia Pi Niang Do Man sihkohna leh sihvui hunding zaksakna

Oklahoma, Glenpool aa teng Nu Man (Niang Do Man) in tawntung mun hong zuatsan ta

Oklahoma State Glenpool aa teng nu Man in tuni 5-18-2018 zing sang 7:35 AM in lungzuan khua ngaih nat leh sat om nawn loh na mun tawntung mun ih Pa kiang ah ong ciah san ta hi. Nu Man pen 1952 kum in Suangzang khua (sim) ah piang aa Kawlzang Pyidawtha ah lal uhhi.

Leitung nuntak lungnop zawk na ding zong in 2012 kum in US tung uh hi mah ta leh tawntung lung nop na mun ong zuat san na hang in a nu siat a Innkuan pih te mah tawh ki bang in Zomi Innkuan ki pawl na tawh ih dahpih mahmah hi.

Nu Man pen Pasian thu um mahmah khat hi aa Tulsa pawlpi lian mahmah ZBCM pawl pimi a hihi. Pawlpi min tawh 5/19-20/2018 nitak nai 7:30PM hun in (Sani ni leh nipi ni tak biak Inn ah ki tut pih ding hi. Nu Man luanghawm (vui) lei tan sak kik na ding in 5/21/2018 Monday ni ni tak 1:00 PM hun in biak Inn ah hun ki bawl ding hi.

Tutpi na ding mun biak inn leh a luang hawm lei tang sak kik na ding mun, Inn ah apha nuam te a ding in Inn address anuai ah ong khak ingh, a dah akap mimal khat tung ah ih Topa kiang pan aa ong pai khasiang tho heh nep na ong tung kim ta hen.

Notawh adah khawm Zomi Innkuan Oklahoma board teng tang in

Pa Thang Suan Gin ZIOK (VC) 5/18/2018

Inn address

• 14725 S Hickory St
• Glenpool 74033

Biak Inn address

• 8504E Skelly Dr
• Tulsa,Ok 74129

Luanghawm phumnading mun

• Memorial parkCemetery
• 5111S Memorial
• Tulsa,Ok 74145

Pi Niang Do Man (Suangzang, Zahlangh beh) in USA, Glenpool khuapi ah hongnusia

Dahna Pulakna (Condolence Letter) | Pi Niang Do Man, Zahlangh beh, (Kum 75)

USA gam Oklahoma state, Glenpool khuapi ateng Pi Niang Do Man in tuni May 18, 2018 ni zingsanglamin sunglam damlohna hangtawh a tu a tate leh it leh ngaihtengnusia in mual ong liamsanta cihthu izakmanin ZIUSA kipawlna in nakpitakin kidahpih kilainatpih hi.

Pi Man pen Suangzang khuami Pyidawtha a teng hi-in nuntak khuasakna anuamzawding lunggulhna tawh abeisa 2012 kumin a tu a ta tengtawh USA ong tung uh ahihi.

Pi Man pen Tulsa khuapi bulphuh Zomite kipawlkhopna Zomi Innkuan Oklahoma kipawlna ah Active member khat leh USA gamsung Zomite sihna vaiah khat leh khat luang kiphamna ZIUSA Genvai ah Active member khat ahihnatawh kizui-in ZIUSA kipawlna in Pi Man luangpham nadingin US$ 11,000.00 (Tul sawm leh Tul Khat) kipiakhia dinga Paakkual khattawh zong mangphakhakna kineiding hi.

Pi Man tawh anunungpen hunzatkhopding pen ong tungding May 21, 2018 (Monday) ni zingsang 11:00AM hunin ZBCM of Tulsa biakinnah aluang ki enthei tading hi. 1:00PM hun-in ZBCM of Tulsa pawlpite makaihna tawh a nunungpen hehnep hunbawlna kineidinga tuakhitciangin Memorial Park Cemetery 5111 S Memorial Dr, Tulsa, OK 74145 ah aluanghawm vuina kinei ding hi.

Pi Man ong nusiatna hanga adah akap khuapih tuipih, tanau meltheih teng leh a nusiat a innkuanpih pa Paubawi te innkuan tungah a nungta Pasian in a khasiangtho hehnepna bucing ong piaksak henla lungnop tawldamna ongpiaksak nading Zomi Innkuan USA kipawlna in thu kanget uhhi.

Dahpihna lianpi tawh,

Tg. Kai Lam Thang
Secretary of Genvai
Zomi Innkuan USA, Inc.