New Phaltang (Bulphek) gamgi lei

New Phaltang (Bulphek) gamgi lei

Indo – Burma kizopna pen, India ten tulaitak thupi sak mahmah uh hi. A diakdiak in, Boarder Trade, Boarder Hut cihte thupi sak diak uh a, Zomite tenna mun zaw deuh pan lam vang sak uh hi.

• Tamu Lampi
• Palatwa leh Zorinpui kikal
• Tedim to Rih
• Cikha Boarder Trade ding
• Dalkhai
• Tuimang
• Tuimui lam ah Boarder Hut ding cihbang in gel zihziah uh hi.

31st Oct 2018 in zong New Phaltang khua ah Gamgi Lei dawh vai ding Naypyitaw pan ong pai Ulian U Tein Thun Oo (Minister of Commerce Director), Pu Gin Kam Lian (ZCD GS) Upper House MP, Sia Go Suan Khai (GAD)Tedim te leh Mizogam State zum lam pan State goverment te tangmi tawh hi New Phaltang (Bulphek) leh India kikal asauna pi 400′ apha Lei kidawhna mun ding kipsakna nei uh hi. March 2019 kum in nasep kipan ding uh hi.

New Phaltang pen Tedim to Lailo – Gunlei – Phildung – New Thalmual – Phaiza – Tuisanzang – Bukphil – Old Phaltang cih khuate ah Mawtaw lam kizom deudau a, asawtlo in Lampi hoih mahmah hong suak ding hi.

Boarder Trade, Gam khat leh khat kizopna pen thupi mahmah a, Sen (China) ‘One Belt, One Road’ Economic System ah Zogam zong kihel ahihman in ZCD te nihvei sam uh hi. Voice of Zomi