Singapore numei khatin lawmngaih ngahzolo ahih manin Online ah ki tangko

Singapore numei khatin lawmngaih ngahzolo ahih manin Online ah ki tangko

Singapore gamsung aom Kelly Lim akici numei khatin lawmngaih ngahzolo, amahtawh Date abawlnuam omlo ahih manin, amahleh amah Online ah ki tangko “Advertisement” kibawlkhia tamai hi. Amahpen kum 26 aphakhin khat hi a, lawmngaih neingei nailo, Single sitsetlai khat hihtuak hi.

Keitawh ki Date leng bangteng namet nading omhiam cih “Presentation” Slide khat bawlin, zanni in ama Facebook tungtawn in khahkhia eklel hi.

Kelly Lim pen Bachelor’s Degree Graduate khinsakhat hi a, USA gamsung aom Medical School khatah Mortuary Science major tawh azopsuaktheih nadingin angak laitak ahihi.

Ama thuteng agelhkhiat Presentation Slide pen akigawm in mai 6 phasak a, athuteng tomkimcing sak mahmah hi.

Zanni in pasal lunggulh in akhahkhiat pen tuni zingsanglam ciangciang Message tawh aki hopih 236 Messages bang phakhinta cihi.

Tua Presentation Slide sungah nuihzak huai kawmpianin agelhkhiat pawlkhat cimphawng in anuai ah nasim nopleh 🙂 Gam khangto te ah zizon, pasalzon danpen atuamtuam himawk hi 🙂

Mortuary Science major in sinding kahih manin, mikhatpeuh na thahlupkhak zenzen lehzong buaina aomloding in kong huhtheihding hi. (Mortuary Science cihpen misi luangkhei in, asihna thu atelkan te, Postmortem cihte)

Kanu kapa innkuanteng in Funeral Undertaking Business pen asepzawh kum 70 bang phakhin ahih manin, hih Business pen kazopsuakding hi a, ka mailamding na lunghimawh kullo hi.

Mawtaw zong neikhin kahih manin, nongkhak kawikawi kullo a, tuasang in napainopna peuhah Uber Driver bangin nong zangtheiding hi.

Single khat hiden kahih manin, anungsang anawikaiding bangmah paubanna, thunawikai omloding hi.

Slide: S’porean woman creates presentation slides on why you should date her

Brazilian jiu jitsu panin Gold Medalist angahkhat kahih manin, nang adingin kidalna luum “Shield” bangdan in nongzangthei dinghi.

Katun asanna pen Pi 5″9 (175cm) hi a, Photo ki zaihkhawmleng ka etlawmding a, ih tate zong atun tomlua lawmlawm loding hi.

Nisim in Exercise bawlden, Work Out den kahih manin, puan kasilh zongin kasilh keiphial zongin ka etlawm hi.

More: Kum 19 aphakhin numeikhat innkuanpih te’n alawmngaih tawh awilo in thatlum

Ihmut aduh mahmah, kalupciang alumcip khat kahih manin, kagei ah numeidang khattawh nalumkhawm zongin kongphawk keiding hi.

Agihna 100kg zong adomzo kahih manin, nadamloh, na ngaploh cianginzong kong tuahsuk tuahto zoding hi.

Zu kakham ciangin bangmah phawklo kahih manin, nongkhem zongin bangmah katheikei dinghi.