Nang banghangin hibangin piang?
Mitampi te in hibang aa ka pian ding peuhmah tawmzongh ngaihsun khol ngei vet keng ci thei uh hi. Mi a tamzaw te pen i neulai aa hong ki zocip khinsa a hihi.
Launa, lunghihmawhna, mi lak ah maizumna leh lungbuai den cihte pen a neulai pek pan in a lungsim sungah sunsiah bangin a ki nguan sakkhinsa a hihi. Maizum aa launa tawh kisai tawm genpak leng, mite a kum hong cingtoto in khangnohun hong tun ciangin maizum ci thei pha deuh uh hi.
Tua pen a mau te in a theihbanloh uh hangin a neu mahmah hun, naupangno a hih hunlai pek in a sunglam ah om khin hi.
Mi a tamzaw te pen ciaptehtak i sak loh i neulai aa thu neuno khat in hong len gige hi. ‘Na lawngvet lo, pai khia, bangmah thei kei teh’ a kicih ciangin naupang sungaa semthei dingin a ki upnate bei pah hi.
Tuabang mite in bangmah theician lopi in a lawmte leh midang te kiangah ‘ken tua bang te hihthei peuhmah keng, kei siam keng’ na ci pah uh hi.
A neulai aa a nulepa te ii ‘bangmah hihthei kei teh’ a cihmah a sungah um gige lel uh hi. A nulepa te in ‘semthei mahteh’ ci hileh tua naupang upna ki lamdang dingin na um hiam?
Tuni i hihna ciangpen a kipiangkhial hi peuhmahlo hi. A hiding bangmah in a kipiang ahihi. A zenzen in nulepa te in i neulai in ih sunglam ah gualzawhna leh lawhcinna ding thu hong koihsak thei hileh tuabangin i ki ngaihsun pah dingaa ih nuntakna sungah lawhcinna a ngahding i hipah hi.
Ih sunglam aa i kimuhna, i ki ngaihsutna leh i ki upna bangin a taktak in a kipiangto ding hilel hi. Ihmutna le Hauhma laibu sungpan/ Siamsin Library
Comment piaknop aomleh...