Malaysia, Kuching ah gial tampi kiagawp in lamdang kisa mahmah

Malaysia, Kuching ah gial tampi kiagawp in lamdang kisa mahmah

Malaysia, Sarawak State sung aom Kuching khuasung ah zanni Sunday ni in gial tampi kiazihziah in lamdang kisa mahmah hi. Kuching, Kota Samarahan sungteng ah limkiat phadiak in, guah nakpi in azuk madeuh in gial (hailstones) akiagawp ahihi.

Jalan Tabuan lampi dungah gial akiat ziahziah laitak Motorist pawlkhat in Video zaihkha uh a, Social Media ah ki thehzakpah hi. Gial akiat ciangin sikkang “Roof” inntungkhuh te dengsuk ziahziah in, ahi zongin sikkang akisiagawplua omsamlo kici hi.

Gialkiat pen nitaklam 4pm hunpawl in akipan masa hi a, Minute 15 sungbang guahzulo in gialbekbek kiamasa hi. Tuakhitzawh ciangin guah nakpi in zusuk leuleu hi.

Gialkiat amukha te’n agenna ah gial pawlkhat pen golmahmah a, agolpen te Golf tang ciaciabang phading hi. Adang tepen peklungtang “marble” tangciaicia phading hi ci’n genkhia uhhi.

Gial akiat laitak in Universiti Malaysia Sarawak zuanin mawtaw tawh apailaitak Joseph kici in agenkhiatna ah ka mawtaw ii atungkhuh Roof tungteng ah suangtang tawh akideng bangdan in aging ziahziah kazak ciangin lamdangsa in ka patauman mahmah hi ci’n genkhia hi.

Video: An unusual weather event unfolded on Sunday as heavy rains and hailstones lashed several areas here and Kota Samarahan, causing alarm among unsuspecting residents. Amateur footage and pictures taken by motorists along Jalan Tabuan here showed hailstones pounding the roofs of their vehicles, which did not appear to sustain any heavy damage.

Tuaciangin lampidung ah tuikhal “ice cubes” vive kamu a, gialkia cih kaphawk ciangin ka mawtaw amailam Windshield te asiatkhakding patau kahih manin lamnawl ah kakhawlphot hi. Hihcibangdan gialkia pen abeisa kum 18 hunlaipawl in katuak ngei hi.

Tuapen 2000 kum hi a, Kuching, Padungan ah motorcycle tawh kapai laitak in gial tampi hongkiasuk ziahziah hi. Tuabangdan gialkia pen atuakkik ngeiding in kaki lamen khakei hi ci’n genbeh hi.

More: Uganda gamah gialbem (Leopard) in naupangno petlum in asa ne

Zanni Sunday gialkia pen Tabuan Laru, Tabuan Jaya, Stutong, Jalan Kuching-Samarahan, Kota Samarahan sungteng aom khuasung mite’nzong amau omna ciatah gialkia citek uhhi. Malaysia gampen khualumgam Tropical Country hi a, hihbangdan gialkia pen omngei pakpaklo in, hihpen khuahun atuampiandiak “weather phenomenon” namkhat hiding kici hi. Sawltak #zomidaily