Najib innsung aom vangil kepna Steel Safe kihong theita

Update: Najib innsung aom vangil kepna Steel Safe kihong theita

Malaysia Prime Minister asemlui Najib Razak ii innsung aom vangil kepna “Steel Safe” pen kihong theita a, asungah sum honkhat om cih theStar pan kiza hi. Malay Daily Sinar Harian te genkhiatna ah tua Steel Safe ahongding in tawhhonsiam Locksmiths 2 kizangin, anunung ah kihong khiathei hi ci’n pulak uhhi.

Tua Safe pen Taman Duta Residence aom Najib innsungpan aki mukhia ahihi. Aki honlohzawh kum 20 val phakhinta kici a, ahonna tawhtangzong aomna kithei nawnlo kici hi.

Sinar Harian te genna ah Safe khatpen kihongzo taktakta a, asungah sum honkhat kimukhia hi ci’n genkhia uhhi. Ahi zongin sum bangzah kimukhia cihleh athu akicianzaw in pulakna omnailo hi.

Tua aki hongthei Safe pen khatbek hipan a, Locksmiths te’n adang Steel Safe ahonding uh 8 tak omlai cihi.

Hih Safe pen Najib innsung aki buluhcil akipan honding in aki hanciam kici hi. Najib ii Spokesman khatin agenna ah tua akihongkhin Safe sungpanin gamdangsum “foreign currency” pawlkhat leh kiteena lai “marriage certificate” cihte kimukhia hi ci’n pulakkhia hi. Najib te nupa zong Ramadan antan hunsung ahihtawh ipmut khamlo in, tawlmahmah uh kici a, nidangin agam ii makaipi Prime Minister asemngeikhat hihbangin akibawlpen hong hehpihhuai mahmahliang hi.

Najib ii abeisa sumvai tawh kisai 1MDB gamtatna vaipen tulaitak hoihtak in aki kanciansan laitak hi a, tua Result tungtawn in Najib pen thong akiatleh akiatlohding ki khentatding hi ci’n Dr. Mahathir in genkhia hi. Tuciangciang mattheih taktak nading mawhmat kician, Evidence kician taktak kimu nailo hileh kilawm hi. Sawltak #zomidaily

Video: Some 284 boxes of valuables and 72 luggage containing cash and jewellery were seized on Friday by Malaysian police in a raid of one of the six locations linked to ousted Prime Minister Datuk Seri Najib Tun Razak

18 May: Najib innsung ah Police Search kibawl

Abeisa in Prime Minister asem Najib ii innsung tengah Police Search sawtveipi kibawl hi. Zanni Wednesday nitaklam pekpanin Police Search bawl akipan hi a, Thursday ni in mansiangpan hi. Akigawm in nai 20 sungphial Najib innsung ah Police Search kibawl ahih manin Najib te innkuanzong tawlmahmah cihi.

Taman Duta Residence aom Najib innsung ah vangil koihna Safe khat kimukhia a, tua Safe ahonna Key pen aomna kitheilo cihi. Tuasungah bang thusim kikemhiam cih ki theiciannuam ahih manin, Police te’n Thursday zingsanglam 8:30am akipan tua Safe ahontheih nadingin Drill tawh honkhiatding kipan uhhi.

Najib ii lawyer Datuk Harpal Singh Grewal in agenkhiatna ah zannitak 10pm hunpawl in Commercial Crime Investigation Division (CCID) pan Police Officer bekbek 50 panin 60 kikal Najib’s Residene ah hong umcih uh a, Police Search kipan uh cihi.

Zannitak 10pm in Police Search akipat pen azingciang 5pm dongmah Najib innsung ah Police Officer te omlai ahih manin, akigawm in nai 20 dekphial Police Search akibawl hi a, Najib zong ihmuttheih omlo in, tawlmahmah hi ci’n Lawyer pa’n genkhia hi. Sawltak #zomidaily