Singapore gamsung MRT meileng Station gei ah Taxi khat meikang in puakkham
Singapore gamsung Commonwealth Avenue kici lamzikpi tungah tuni Sunday (Apr 30) ni in Taxi khat meikang in puakkham cih Strait Times pan kiza hi. Trans-Cab Company te Taxi khat hi a, agei ah amukha te genna ah sun 2:30pm hunpawl in apuakkham ci uhhi.
Hih Taxi meikatna pen Buona Vista MRT Station ii lamzikpi alanglam ah hi a, kum 25 aphakhin sangnaupang khat ii genna ah meileng Station panin ka paikhiat ciangin meikatna munah meiphelh te apailaitak ka galmuh cihi.
Fire Engines 2, Police Car 1, Ambulance khat zong aphual ah atungkhin kamu ci’n genkhia hi. Taxi meikatna gei ah Chinese pasal khatzong ka galmuh ci a, tuapa pen Taxi Driver hiding in ki ummawh cihi. Apumpi tungah meikatna pawlkhatzong om cihi. Tuapa pen patauhtuak mahmah in, agei aom te kiangah meikatna hangin samahmah hi ci’n genkhia kici hi.
Land Transport Authority te’nzong nitaklam 2:46pm hunpawl in Commonwealth Avenue tungah Accident om ahih manin, lampi pawlkhat kikhakcip cih tangko khia uhhi.
Taxi meikatna Video Clip aki Record pawlkhatzong Social Media tungah ki khahkhiapah hi. YouTube ah aki khahkha Video Clip khatah Firefighters mi 2 in meikatna mawtaw geiah nehphei in, meiphelhphei uhhi.
Video clip etnopleh: Taxi explodes on North Buona Vista Road
Ageinai ah meiphelh in mi 2 aomlaitak in asungpan apuak khatvei kiza masa hi. Tuazawh asawtlo in khatvei nasiatak in mawtaw puakkkhamzai a, Video zaihpen inzong hoihtak zaihtheilo in bangteng sukha cih kimunawnlo hi. Ageinai mahmah ah meipheih in aom Firefighter khatpen Taxi sungpan in apuakkhap ciangin sukha leh kilawm a, ahi zongin Video sungah suakkha nawnlo hi.
Taxi puakkham agingpen ginngaih mahmah a, meikhu zong nasia mahmah in agamlapi paninzong kimuthei cih kiza hi.
Related: Singapore inndawl 3 na panin Truck mawtaw khat lengkhiasuak dektak
Taxi meikatna ahangpen kitheician nailo a, Singapore Civil Defence Force (SCDF) te’n kanciansan laitak uh cih kiza hi. ZD Sawltak #zomidaily
Comment piaknop aomleh...