Najib in akimatvai Bail piakding acianlai RM500,000 piakhinta

Najib in akimatvai Bail piakding acianlai RM500,000 piakhinta

Malaysia gamsung ah abeisa in Prime Minister asem Najib Razak pen nungkalsung in sumvai Corruption tawh thusitna kinei a, thongsung ah akikoihpahloh nadingin Bail aamahkhan RM1 Million tawh aki khahkikphot ahihi. Thu akisitni in RM500,000 ki piasakpah a, acianlai RM500,000 pen tuni Monday ni in piakhinta hi.

Najib thu akibawlna pen abeisa in 1MDB (1Malaysia Development Berhad) vaitawh akizom, SRC International ii neihsa RM42 Million akizekna vai ah athu neihna azat khialhna “Abuse of Power” ci’n mawhna khat ki neisak a, tuaban ah adang Criminal Breach of Trust cihtawhzong mawhna 3 ki neisak hi.

Thusitna akineihni in RM500,000 pen piakpahding in kigen ahih manin atate’n piaksak uhhi. Acianlai RM500,000 pen Najib apanpih Supporter honkhatin huhna donsak kawikawi uh a, tuatawh RM500,000 aki piaksak kici hi.

Tuni zingsanglam 10am hunpawl in Kuala Lumpur khuapisung Jalan Duta Courts Complex ah Najib ii atate 2 ahi Nooryana Najwa leh Norashman te’n Najib ii Bail acianlai RM500,000 piading in pai uhhi.

Sunlam 11:40am hunpawl ciangin Najib leh azi Rosmah Mansor tezong tuamun ah pai in ki tuahkhawm uhhi. Bail vaitawh sumpiakding apiakkhit uhciangin Najib leh azi pen Toyota MPV khattawh ciahkhia uh a, Court Complex ii apualam ah Najib Supporters te’n khutlam in na dawntuah ngeingai uh cih kiza hi. Sawltak #zomidaily

Video: Former prime minister Datuk Seri Najib Tun Razak settled the second bail installment of RM500,000 after making a brief appearance at the Kuala Lumpur courthouse on Monday. The High Court had allowed for the bail to be settled in two installments, with Najib’s two children Nooryana and Norashman settling the initial RM500,000 last Wednesday.

Sum golhguk neksimvai tawh Malaysia gammakai Najib Razak thu kibawlta

Malaysia gamsung ah abeisa in Prime Minister asem Najib Razak pen sum golhguk neksimna vai leh PM ahihna tawh athuneihna zatkhialhna cihte hangin tuni Wednesday (July 04) ni in thukibawl taktakta cih CNA pan kiza hi.

Tua sumvai tepen 1MDB akici “1Malaysia Development Berhad” tawh kisai in sum Billion Dollar tampi zekkhialhna, neksimna vai ahihi. Najib pen tulaitak in kum 64 phakhinta a, hih amawhna tepen abeisa 2011 kumpanin 2015 kum kikal agamtatna te thu akibawl ahihi.

Najib thu akibawlna tepen CBT (Criminal Breach of Trust) vaitawh nam 3 in thu kibawl a, tuaban ah Malaysia gammakai asep hunsungin apanmun paulap in thuneihna avalin azatna “Abuse of Power” cihtawhzong nam 1 in thu kibawl hi. Akigawm in 4 Charges tawh thu akibawl ahihi.

Tua amawhna te tungtawn in Charges akibawlte pen khatkhitkhat abanban in ki simkhia a, Najib inbel avekin kamawh kakhialkei hi ci’n awdamtak tawh genkhia kici hi.

Najib thu akibawlna Charge 4 te lakah khatciatpen atampen kum 20 ciangbang thong kiattheih nading ahihi.

Najib in Malaysia gamsung ah Prime Minister leh Minister of Finance asep hunsung in ama za neihna “Position” pen aval in zangkhial a, ama mimal metnading, akigawm in RM42 Million bang angahlawh nadingin zangkhial hi ci’n “Abuse of Power” vaitawh kisai in thukhen makai Attorney-General Tommy Thomas in genkhia hi.

More: UN Card tawi khatin palik te RM10,000 golhguk piaksawm ahih manin kiman

Sum golhguk neksimna vai “Corrpution Trial” tawh kisai in Najib pen maikum February khasung in thusitna kineikik panding hi. Hight Court in maikumsung February 18 panin 28 kikal, March 4 panin 8 kikal, March 11 panin 15 kikal cihbangin Trial Dates ding pulakkhia hi.

Maikum sungah Najib thusitna Trial Date bekbekpen ni 19 sungtak kinei kikding cihi. Najib pen gampua azinkhiat theihloh nading inzong a Passport te ki laksakding, ki kepsakding hi. Najib in Passport namnih nei a, Diplomatic Passport leh Normal Passport ahihi. Tuate anih in Immigration thunei te’n kepsakding, laksak matsakding uhhi.

Sessions Court ah Najib thusitna aki neihkhit ciangin, thusitna amakaih ahi Attorney General Tommy Thomas in Press Conference neidingin kipan hi. Ahi zongin Najib apanpih mipi te’n English in genkhiat deihlo, Bahasa Malaysia bekin genkhia in ci’n onggawp uh a, Press Conference zong kineitheilo in ki dinkhawlsak hi. Sawltak #zomidaily