Kuala Lumpur khuasung muntuamtuam Operasi bawlna panin gamdangmi 70 kimansuak
Malaysia, Kuala Lumpur khuapisung aom muntuamtuam ah abeisa sungteng “Ops Mega” kici Oparasi lutkawikawi in, akigawm in gamdangmi 70 kimankhia cih theStar pan kiza hi. Tatsatlo, kizom ngekngek in Operasi akibawl hi a, puanzuakna “Clothing Mall” te nangawn ahzong Operasi lutkawikawi in akimankhia ahihi. (Photo: Kuala Lumpur khuasung aom puanzuakna Clothing Shop sungah Operasi alut laitak)
“Ops Mega” kici Operasi pen Friday (July 06) ni in akipan hi a, tuazawh akizom in Operasi alut kawikawi ahihi. July 06 ni in Kuala Lumpur khuapisung muntuamtuam ah akizom ngekngek in Operasi kibawl kawikawi hi.
Tua Operasi bawlna hunsung ah akigawm in gamdangmi 132 te thusitna kinei in, tulak ah mi 43 tepen Work Permit akician neilo uhhi.
Tuaban ah Bangladesh gammi akigawm in 36 tezong Immigration thukhun palsat uh ahih manin kimankhia uhhi ci’n Immigration Department director-general Datuk Seri Mustafar Ali in tuni Monday (July 09) ni in genkhia hi.
Immigration Director-general in agenbehna ah nasep aguan Employer (Boss) tezong ahun akicingtak in akipia hi a, anasem te uhpen Immigration thukhun tawh kituak in nasep aguatding uh ahihi.
Valid Permit aneilo nasem khempeuh amanlangin Register abawl mengmeng nadingin ahun tampi kipia in akizasaksa ahihi.
Tua ahih manin thukhun azuilo nasepnei Employer (Boss) tezong liausum tampi kipiasak dinghi. Tuaban ah Bank Account tezong ki khakcipsak thei a, aneihsa Assets khempeuhzong ki matsakthei cihi.
More: Malaysia gamsunga Operasi aomciang abuaimahmah RELA te naitha kikhansak
Tukha July 06 ni ciangciang Immigration Department makaihna tawh Malaysia gambup “Nationwide” ah Operasi akigawm in 595 veibang kibawl khinta hi. Tuabang in Operasi akibawlna ah gamdangmi nasem, Work Permit aneilo bekbekpen mi 1475 kimankhin a, tuaban ah nasepnei Employer (Boss) tezong mi 28 ki mankhiakhin uhhi. Sawltak #zomidaily
Comment piaknop aomleh...