Najib pen 1MDB Fund sumvai tawh kizom in mawhna nam 10 valtawh thu kibawl theiding

Najib pen 1MDB Fund sumvai tawh kizom in mawhna nam 10 valtawh thu kibawl theiding

Malaysia gamsung ah makaipi asemngei Najib Razak pen kimankhin a, zingciang Wednesday ni in Kuala Lumpur Courts Complex ah thusitna kineiding hi. Najib pen 1MDB Fund sumvai tawh kizom in thu akibawlding hi a, CBT (Criminal Breach of Trust) nam 10 val bangtawh thu kibawltheiding cih Bernama pan kiza hi.

Najib pen Kuala Lumpur Courts Complex sung aom Criminal Sessions Court ah thusitna akeineiding hi a, tua thusitna ah amakaihding pen Attorney-General Tommy Thomas ahihi. Amahpen hih panmun a ngahthak khat ahihi.

Tuni in 1Malaysia Development Berhad (1MDB) Special Task Force te’n Statement akhahkhiatna ah Najib pen Jalan Langgak Duta aom ama innsung panin tuni 2:35pm hunin akimankhia hi ci’n pulakkhia uhhi.

Najib akimatna ahangpipen ahihleh 1MDB tawh akizom SRC International Company ah sum azatkhialhna Fund Scandal hang hipipen kici hi. Abeisa in Najib ii mimalzat Bank Account sungah sum RM42 Million tak lutsakmawk hi. Tuavai hangin abeisa inzong MACC Headquarters ah Najib in thusitna, Statement lakah cihte athuakkhin ahihi.

Najib in agenna ah tua sumte pen Saudi King te’n letsong in apiak uh ci a, amahbek hilo US President asemngei Obama ii azi Michelle Obama zong Saudi King te’n Million tampi letsong pia ngei uhhi ci’n Najib in apawlzotna in genkhia hi.

Video: Malaysia`s former prime minister Najib Razak has been arrested. Najib has faced allegations surrounding billions of dollars that went missing from the state fund 1MDB.

Ahi zongin Michelle Obama tawh kisai in letsong vai apulakkhiat ciangin US kumpi inzong dawnkikna nei uhhi.

US President ahi zongin azi apasal khatpeuh in ahi zongin gamdang panin letsong “Foreign Dignitaries” khatpeuh angah ciangin tua letsong tepen US State Department te tungah ki ap ciatciat hi. Tuapen US State Department ii zuihding in akibawl thukhun ahihi.

Tuakhit ciangin Department’s Protocol Gift Unit te’n letsong kiapia te hoihtak in ciamteh in, kemcing uhhi. Tuabang in akipia Diplomatic Gifts tepen President, Vice President, Secretary of State panmun asemte leh azi apasal te ngahdingin akipia hithei hi.

Azenzen in kumpi nasem te’n tua letsong akipia pen amau aituamding in akepnop, aciahpihnop uhleh tua letsong ii amanzah “Market Value” kipiasak in, tuakhit ciangbek in amau Personal in kemthei uhhi ci’n US State Department te’n amau website tungah gelhkhia uhhi.

More: Malaysia, Kepong ah kum 4 bek aphapan atunu 59 vei adawtgawppa sihdaan kipiading

Malaysia gammakaipi asemngei Najib inbel ama Personal Bank Account sungah sum RM42 Million tak alutsak venvan aki muhkhiat ciangin tua sumte pen Saudi King te’n letsong in hongpiak hi ci’n genkhiaziau hi. Atakpi ahihphial lehzong gamdang kumpi khatin letsong in apiakpen ama ipsung ah kepziau asawm himawk hi. Zingciang bangci bangin thu hongki bawldiam? Kum 20 ciangbang thong akiathei dingin thu kibawltheiding kici hi. Sawltak #zomidaily