Malaysia, Kuala Lumpur khuasung ah mi 2 thautawh kikaplum

Malaysia, Kuala Lumpur khuasung ah mi 2 thautawh kikaplum

Malaysia, Kuala Lumpur khuapisung aom Menara Centara kici innpi sungah thau kikapna piangin mi 2 si cih New Straits Times pan kiza hi. Athu akician in akizakna ah thautawi pasal khatin azilui Ex-wife tawh ki kamtamna om ahih manin, thautawh azilui kaplum masa in, tuakhit ciangin amahleh amah thautawh kikaplum cihi.

Hih buaina apianna Menara Centara kici Building pen Jalan Chow Kit lamzikpi tungah aom hi a, Law Firm kici Upadi tawh kisai Office lianpi khat ahihi. Friday nitaklam 3pm hunpawl in Menara Centara Building ii dawl 16 na ah aki kaplum ahihi. Thunei te genna ah azi in hihlai munah nasem ahih manin, apasal vapai in anih un aki kaplum uh cihi.

Police te’n hihvai tawh kisai bangmah akician in genkhiatna omnailo ci a, ahi zongin hihvai tawh kisai akancian laitak uh cih kiza hi.

Dang Wangi Police Station pan ulian khat ii genna ah Friday nitaklam 3pm hunpawl in thau kikapna om cih hongki zasak ci’n genkhia hi.

Menara Centara Building sung khempeuh aom mipi te ki hemkhiasak photin, Building sungteng velcianna kinei cihi. Building ii anuai Ground Floor tengah mipi dimzihziah in thutheinuam leh thukan Reporters tezong tammahmah uhhi.

Related: Malaysia Setapak Traffic khawlna ah mikhat kikaplum

Building Entrance gei ah nupi nih nakkah mahmah uh a, asi te ii innkuanpih te hiding in ki ummawh hi. Asung ah lutkhuan a ngetnget uhhangin Police te’n kuamah lutsaklo uh a, anunung ciangin tua nupi khatpen lungam in sibup in tuk cihzong kiza hi.

Murder-suicide drama involving man and ex-wife rocks law office

Malaysia gamsung ah thau kikapna ki nawhzak simtham hi. ZD Sawltak #zomidaily