Na zatpah theih ding thu 10

Na zatpah theih ding thu 10

1. Puan tungah samza a ban leh:
Samza nuh laitak puan tungah a ban khak leh sam thehza (hair spray) theh lecin siang ding hi.

2. A ngetloh nadingin:
Antang kha 2-3 bang a ngetlo in na koih nopleh antang bung sungah meihol khat hoih ziau in.

3. Ci leh sa, vun hoih nadeihleh:
Na vun keu nasak leh tui sungah tanlwinthau (olive oil) hel inla kisil in. Na vun hong zol pah ding hi. Na vun a zol luat leh tui sungah ci hel in kisil in.

4. Tuilum bung a namsiatleh:
Ak tui leh vatawt tui te suzan inla tui tawh tuilumbung sungah zankhat diahpak ziau in.

5. A tui tam ding nadeihleh:
Tampaza a tui tam ding na deihleh tui lum sungah minute 15 diah masa inla tua ciangin a tui suuk pan in. Tam pah ding hi.

6. Puan taih ding na tha a dahleh:
Puansawp na manciangin na sawpkhitsa te tui sungah minute 15 sung diahkik in. Tuaciangin a tui suuk nawnlo in puankhaina tawh khai ziau lecin a keu ciangin taihkik kul nawnlo hi.

7. Kawm tungah lim a gial leh:
Naupang ten kawm tung a lim a gialsak leh lim tungah haza zut inla puansiangtawh zut kik ziau in.

8. Khut sungah kaw:
Na khutsungah kaw hong belhleh shialaka tui (ရွာလကာရည္) ah a kidiah tui tawh zut lecin hong siangpah seisai ding hi.

9. A minbaih ding nadeihleh:
Aluu na huan ciangin sathau tawmcik khah lecin hong minbaih ding hi.

10. Miksi a kah leh
Na cikhumbung ah miksi a kahleh a nuailamteng sathau tawm nuh lecin miksi kah thei nawnlo pah ding hi. Zonu Tongluan/ Siamsin Library