China ah khutdawhngen te Mobile Phone panin QR Code tawh ki piathei
China ah khutdawhngen te sumnen neikeng ci’n kimawk nialthei nawnlo hi. Sumnen neikeng nacihkhak zenzenleh sumnen kisamlo in, Mobile Phone panin QR Code tawh Scan ziau in piaktheihding in kiging uh cimawk hi.
China gamsung ah abeisa tawlkhatsung akipan sumlaidal zatkulloding “Cashless” System hanciam mahmah uhhi. Shopping Mall, Supermarket te bekthamlo, zingsang singgah theipuam zuakna Wet Market te nangawn ah sumlaidal “Cash” zatkullo in, Mobile Phone vive panin QR Code tawh Scan ziauziau in, sum kipia uhhi.
Tua Cashless Trend of e-payment tawh kizui in khuasung ah khutdawhngen “Beggar” te’nzong sumnen neikeng cih paulaptawh sum akipiakloh ziauziau ciangin lampithak khat zongkhia uhhi.
Tulaitak China gamsung ah khutdawhngen atamzaw ii angawng ah QR Code aki Print khia, khattek awk uh a, sumnen neilo te Mobile Phone panin kipiasak uh cimawk hi.
Video: China Beggar Using WeChat as Payment to Receive
International Business Times te genkhiatna ah hihbangdan in khutdawhngen te QR Code abawlsak pen Company pawlkhat in sumzonna in anei uh cihi. Khutdawhngen te QR Code aki Scan theiding in bawlsak uh a, tua tungtawn in WeChat IDs panin User Details teng laksimsak uh a, tuate pen Advertisement khakkikna in nei uh cihi.
Related: China, Hangzhou City aom Restaurant khatpan Gas bung puakkham in mi 2 si, 55 liam
Tua ahih manin China ah khutdawnngen tetawh nakituah ciangin sumnen neikeng cih paulap in kizangthei nawnlo a, ahi zongin ka Phone Battery beicip kicithei laisam cihi 🙂 Gamdang te khantohna zong atuamtuam himai ei. Kawlgam khuapisung kikawmna Public Transport ahi Bus leh Train te beekah Cashless System kizangzo mengmengleh lunggulhhuai hi.
Leitung thuthang khatpeuh akigelh ciangin nasim tektekin cihzong hipah samlo hi. Alunglut te’n simding uha, alunglutlo te’n simlo lelding uhhi. Ahi zongin pawlkhat te’n hihsang athupizaw, Zomi te khantohpihding athupizaw omlohiam ci’n phunphunthei sese uhhi. Nasimnop takpileh thuhoih Article zong tampitak omlua hi. Zomi Daily Website tungah 2008 kumpek panin akikaikhawm toto, Article leh News tuamtuam akigawm in 8670 val omkhin hi. Category tawh Menu panin akikhen dimdiam hi a, Biakna thu, Politics thu, Cidamna thu cihte akipan na lunglutzawkzawk simtheih ziauziau ahihi. Sawltak #zomidaily
Comment piaknop aomleh...