Malaysia, KL khuapisung aom 5 Stars Hotel khat ii Ceiling kicimsuk, mikhat liam

Malaysia, KL khuapisung aom 5 Stars Hotel khat ii Ceiling kicimsuk, mikhat liam

Malaysia, Kuala Lumpur khuapisung Jalan Stesen Sentral aom Hotel minthangkhat ahi Five-star Hotel khat ii Ceiling kicimsuk ahih manin, mikhatliam cih NST pan kiza hi. Tua Five-star Hotel minthang kici pen Hilton Hotel hi a, Lobby Ceiling akicimsuk ahihi.

Tuni Sunday zingsanglam 3:30am hunpawl in akicim hi a, Ceiling tungah Eelctrical Wiring akibawlbawl laitak in akicimsuk kici hi. Tualai ah nasemin aomkha Bangladesh gammi khatin liamlawh hi.

Kuala Lumpur Fire & Rescue Department panin thunei khatin agenkhiatna ah Lobby aom Ceiling akicipsuk ciangin atungah nasemin aomkha Bangladesh gammi khat anuai ah kiasuk hi. Akiatsukna pen Meter 12 (Pi 40 dektak) asang ahih manin, tuatung panin akiasuk Bangladesh gammipa pen aluliam hi ci’n genkhia hi.

Tua Lobby Ceiling kicipna hangin Hilton Hotel ii a innpi Building Structural Integrity bel bangmah sukkhakna neilo hi.

Hihbang tuahsiatna buaina aom ciangin zingsang 3:40am hunin Fire Department te kizasak a, Pantai, Hang Tuah leh Seputeh Fire Station te panin melphelh Firefighter bekbek akigawm in mi 26 takin delhpah uhhi.

Firefighter te atun ciangin Hotel sungah zingtung te ii angakna Lobby aom Guest Waiting Area ii atungteng aki cimsuk ahihlam mukhia uhhi. Aki cimsuk Area sungpen 1,500sq sungbang zaiding kici hi.

More: Malaysia, Kajang vengsung aom Hotel khatah Myanmar pasal khatin numeikhat dawtlum

Ceiling kicipna panin aliam Bangladesh nasempa pen zatui zaha kibawlding in Universiti Malaya Medical Centre (PPUM) ah kipuaksak hi.

Fire & Rescue Team te’n Hotel Mangement tetawh kithuahkhawm in Hotel sungah adang tuahsiatna apiangthei aomlaihiam ci’n Checking bawlkhawm kawikawi uh a, adang bangmah siatna kimulo cih kiza hi. Sawltak #zomidaily