Na sungah vangliatna om (Na thungetna thautang) ~ Tdkhen
1. Leitung galpi nihna lai-in, Yokyo khuapi-a Doolittle a kiluh lai-a gal hangsan khat ahi, Corporal Jacob Deshazer ii nu Hulds Andres in a tapa’ aadingin nakpi’n thungetna hun khat a nei hi. A nungcianga thu a zakkik na ah, tua thungen nu’ tapate’ tuanna vanleng pen lang lamte in kapkhia-in Japante’ khut sungah om ta cihna lai a mu hi. Vanleng kikapkhiat hunte a etphat ciangin, a thungetsak a tapa pen vanleng kiat madeuh takin huihlak tuahkhiatna(parachute)ah tuakkhia manlianin, lei a bawhkhaklianleh a nu’thunget khit kituaklian se ci hi.
2. Hulds Andres mah in a tapa, Jacob Deshazer mah pen Japan gal sungah, Japante in zo uh ahih manin thong sungah a khum uh hi. A nu in thongsung pan a suahtak nading bek hilo-in, Pasian phawka, gupkhiatna a ngahsa, a piangthak sa-a hong suahtak nadingin thu a ngen ngiat ahi hi. A mau thong a kia khawm 4 lakah 3 pen thau tawh kikap lum hi cih thu a za hi. Jacob Deshazer ahihleh kikhah khia hiau a, thamlo-in, a ut bangin thu a gen sak hithiat uh hi.
Amah zong galpi hu a ven ciangin Japan gam mahah paikik-in Pasian thu gen in, missionary minthang mahmah khat a suak hi.
3. OMS Board of Directors-a member khat in a nungtolh tapa khat nei hi. Tua a tapa pen OMS missionary hi ngei hi. Tua tapa in a missionnary nasepnate khawl’sanin, leitung vai-ah kipia bek thamlo-in, a kisikloh banah Topa tawh kigamla semsem hi. Kha bangzah sung hiam tak Board makaipa in thu a ngetnget sak hi. Nikhat a pa mahmah in a nasem numeite’ kiangah, “Kuamah in hong buai sak kei unla, annek hunah zong hong sam kei un” ci-in kong kikalhnelhin a tapa’ aading thunget hun a zang hi.
Nitaklam ciangin kong hong kikiu a, mawhmai sakna lam tawh kisai a buai keei khat om hi cih, a nasem numei khat in a gen hi. A nasemnu in, “Gamlapi pek panin hong kisam hi” a ci hi. A pa in zong phone la-a a ngaihleh, “Pa aw, Topa’ kiangah kong ciahkik ta hi” cihna aw a zapahlian hi. “Ngen un, hong kipia ding hi. Zong un, na mu ding uh hi. Kongkhak kiu un, hong kihon ding hi. Banghanghiam cihleh a ngen khempeuh in a ngah ding uh hi. A zong khempeuh in a mu ding uh hi. A kiu khempeuh a kihon ding hi” (Mt 7:7-11) Tdkhen
Comment piaknop aomleh...