Malaysia Supermarket ah akizuak zasankeu lakah zusa kimu

Malaysia Supermarket ah akizuak zasankeu lakah zusa kimu

Malaysia gamsung Supermaket khatah akizuak zasankeu lakah zusa kimu in, amute’n Photo nazaihkha citciat uhhi. Tua Photo pen Online Social Media tuamtuam ah kithehthanggawp cihthu Malay Mail Online pan kiza hi. Kuala Terenganu aom Supermarket khatpan Monday ni in thupiang hi a, Online panin mi tampi in tua zasan lakah zusa aomlam muhsak uhhi.

Supermarket thunei te’nzong Customer te ii muanna aneihkiktheih nading lunggulhna tawh tua zasankeu akizuak khempeuh avek in kabua uh ci uhhi. Zasan keu avek in 63.8 kg bang pha himahleh Customer Confidence ngahkiktheih nading in avek un ninbung ah buakhin uh cihi.

Hihvai tawh kisai in State Domestic Trade, Cooperative and Consumerism (KPDNKK) panin thuneite zong Supermarket ah vapai uh a, sitcianna neikhin uh cih kiza hi.

Supermarket thunei vaihawmpawl ahi Management Team te’n tu akipan zasankeu pen Container kuang golpi sungah kikoih nawnlo a, Plastic tawh ipneu nono in kabawlta uh ci’nzong genkhia uhhi.

Zogam ah zusa’sa zong khamzolophial dinmun in omngei himah taleng, gamdang ahbel asa nekding cihthadah amuhbek uhzong gimneihgawp vevesam uhhi. ZD Sawltak #zomidaily